15:49, 24 - ماۋسىم 2014 | GMT +5
ورىستار وتاندارىن تاستاپ، جاپپاي رەسەيگە كەتىپ جاتىر
استانا. قازاقپارات - شىعىس ۋكراينا تۇرعىندارى قارۋلى قاقتىعىس بولىپ جاتقان ايماقتاردى جاپپاي تاستاپ كەتىپ جاتىر.

كوبىسى رەسەيگە بەت العان.
بۇل تۋرالى بۇگىن استانا تەلەارناسى حابارلادى .
يزۆارينا وتكىزۋ بەكەتىندە كولىك تىزبەگى بىرنەشە شاقىرىمعا سوزىلىپ كەتكەن.
بوسقىندار ءوز كەزەگىن 5-6 ساعاتتاپ كۇتۋدە.
رەسەي فەدەراتسياسىنىڭ توتەنشە جاعدايلار مينيسترلىگىنىڭ مالىمەتىنشە، تاۋلىگىنە شەكارادان 10 مىڭ ادام وتەدى. ولاردىڭ ءنوپىرى تولاستار ەمەس.
ۋكرايندىقتاردى ۋاقىتشا روستوۆ وبلىسىنا ورنالاستىرىپ جاتىر. ول ءۇشىن، 220 شاتىرلى قالاشىق تىگىلگەن. ميگرانتتاردىڭ وزدەرى ەلدى ۋاقىتشا تاستاپ كەتكەندىكتەرىن ايتادى. تىنىشتىق ورناعان سوڭ، وتاندارىنا كەرى قايتۋعا ءۇمىتتى.