قازاقستاندىق جەر سەرىكتەرىنىڭ وربيتالىق سىناقتارى شتاتتى رەجيمدە ءوتىپ جاتىر

جەردى قاشىقتىقتان زوندتايتىن جوعارى كەڭىستىكتەگى ءبىرىنشى «1-KazEOSat« جەر سەرىگى وربيتادا شامامەن ەكى اي جۇمىس ىستەۋدە. عارىش اپپاراتى فرانسيانىڭ گۆياناسىنداعى كۋرۋ عارىش ايلاعىنان 30- ءساۋىر كۇنى «ۆەگا» ەۋروپالىق زىمىران تاسىعىشىمەن ۇشىرىلدى.
«قازاقستان عارىش ساپارى» ۇ ك» ا ق پرەزيدەنتىنىڭ قىزمەتىن اتقارۋشى مارات نۇرعوجين ءبىزدىڭ اگەنتتىككە حابارلاعانداي، «ق ع س» ۇ ك» ا ق ماماندارى استانادا فرانسۋز ارىپتەستەرىمەن بىرگە تۋلۋزداعى باسقارما ورتالىعىندا تاۋلىك بويى جەر سەرىگىن باقىلاپ، ونىڭ سوڭعى مۇمكىندىكتەرىن انىقتاۋ ماقساتىندا ماكسيمالدى دەڭگەيدە جۇك سالۋدا.
«وسى ۋاقىتتا جەر سەرىگىنىڭ جۇمىسىندا ەشقانداي جاڭىلۋ بولعان جوق» ، - دەپ اتاپ ءوتتى ول.
ەسكە سالا كەتەيىك، «1-KazEOSat » ۇشىرىلعاننان كەيىن عارىشتان ساپاسى جاقسى سۋرەتتەر جىبەردى.
2014 - جىلدىڭ 20- ماۋسىمى رەسەيدىڭ «ياسنىي» عارىش ايلاعىنان «دنەپر» زىمىران- تاسىعىشىمەن ۇشىرىلعان جەردى قاشىقتىقتان زوندتايتىن ەكىنشى «2-KazEOSat» جەر سەرىگى دە وربيتادا جوسپارلى سىناقتان وتۋدە. وسىعان دەيىن حابارلانعانداي، العاشقى تەلەمەتريكالىق مالىمەتتەردى عارىش اپپاراتى 1,5 ساعاتتان كەيىن بەردى.
«2-KazEOSat » - دەن ءبىرىنشى عارىشتىق تۇسىرىلىمدەردى ءبىز اعىمداعى جىلدىڭ شىلدە ايىنىڭ سوڭىندا الامىز»، - دەپ اتاپ ءوتتى م. نۇرعوجين.