امەريكا سوتى قازاقستاندىق ستۋدەنتكە مامىلەگە كەلۋدى ۇسىندى

استانا قازاقپارات - «بوستون مارافونى كەزىندە بولعان جارىلىسقا قاتىستى ءىس بويىنشا ايىپ تاعىلعان قازاقستاندىق ستۋدەنت ازامات ءتاجاياقوۆ دۇيسەنبى كۇنى ا ق ش سوتى الدىندا جاۋاپ بەردى.
None
None

مۇنداي مالىمەتتى اسسوشيەيتەد پرەس اگەنتتىگىنە سىلتەمە جاساعان ر ي ا نوۆوستي اقپارات قۇرالى تاراتتى» دەپ حابارلايدى Tengrinews.kz.

اگەنتتىكتىڭ مالىمەتىنە قاراعاندا، سوت تاجاياقوۆقا تەرگەۋ ورگانىمەن مامىلەگە كەلىپ، ايىبىن مويىنداپ، جازاسىن جەڭىلدەتۋدى ۇسىندى. الايدا ءتاجاياقوۆتىڭ ادۆوكاتى سوتتىڭ ۇسىنىسىن قابىل المادى.

سونىمەن قاتار تىڭدالىم كەزىندە سوت «تەراكت بويىنشا تەكسەرىلىپ جاتقان ءىستىڭ بارىسىنا قاساقانا كەدەرگى جاسادى» دەپ ايىپتالعان قىرعىزستان ازاماتى حايرۋللوجون ماتانوۆتى كەپىلدىك بويىنشا بوساتۋعا كەلىسىم بەرمەدى.

ايىپتاۋشىلار ماتانوۆتىڭ «بوستون مارافونى كەزىندە جارىلىس جاسادى» دەپ ايىپتالعان اعالى- ءىنىلى دجوحار جانە تامەرلان تسارنايەۆتارمەن تانىس بولعانىن جانە تەراكت بولعان كۇنى ولاردى كەشكى تاماققا شاقىرعانىن العا تارتادى. ماسساچۋسەتس شتاتى پروكۋرورىنىڭ مالىمەتىنشە، ايىپتالۋشى ءوزىن قۇقىق قورعاۋ ورگانى تەرگەپ- تەكسەرەتىنىن ءبىلىپ، قاساقانا تەرگەۋگە كەدەرگى كەلتىرەتىن قادامدارعا بارعان.

پروكۋراتۋرا قىرعىزستان ازاماتىن تەراكتكە قاتىستى اقپاراتتاردىڭ كوزىن جويدى، وزگەرتتى دەپ ايىپتاپ وتىر.  سونداي- اق فەدەرالدى تەرگەۋ كەزىندە ءۇش رەت تەرگەۋدى جولدان اداستىراتىن جالعان مالىمەت بەرگەن دەپ ايىپتادى. ال ماتانوۆ وزىنە تاعىلعان ايىپپەن كەلىسپەيدى.

ەستەرىڭىزگە سالا كەتسەك، قازاقستاندىق ستۋدەنتتەر ازامات تاجاياقوۆ پەن دياس قادىربايەۆقا 2013 -جىلى بوستون مارافونى كەزىندە بولعان جارىلىسقا قاتىستى تەرگەۋ ىسىنە كەدەرگى جاسادى دەپ ايىپ تاعىلعان بولاتىن. ولار 25 جىلعا دەيىن باس بوستاندىعىنان ايىرىلۋى مۇمكىن. بوستون فەدەرالدى سوتى قازاقستاندىق ستۋدەنتتەردىڭ سوتى بولەك جۇرگىزىلەدى دەپ قاۋلى شىعارعان. ازامات ءتاجاياقوۆتىڭ سوتى 30- ماۋسىمعا بەلگىلەنگەن، ال دياس قادىربايەۆ سوت الدىندا 8 - قىركۇيەكتە جاۋاپ بەرەتىن بولادى.

سوڭعى جاڭالىقتار