بۇگىن «التىن قۇلىن» بايقاۋىنىڭ فينالدىق كەزەڭىندە قانداسىمىز باق سىنايدى

بۇعان دەيىن ەلىمىزدىڭ شىعىس، باتىس، وڭتۇستىك وڭىرلەرىنەن جانە استانا مەن الماتى قالالارىنان جۇزگە جۋىق ۇمىتكەر جىر بايگەسىندە باق سىنادى.
ءبىرى جىردى مانەرلەپ، كوركەم وقۋىمەن كوزگە تۇسسە، ەندى ءبىرى ماقامعا سالىپ، اۋەلەتە شىرقادى. بايقاۋ ەرەجەسى بويىنشا ءار ايماقتان 7-11 جانە 12-15 جاستاعى ۇمىتكەرلەر حالىقارالىق سايىسقا جولداما الدى. ونىڭ ىشىندە قىتاي مەن موڭعوليادان كەلگەن جاس جىرشىلار دا بار. قىتايدان كەلگەن قانداسىمىز قۋانىش ەلەۋسىز ۇلى ىرىكتەۋ سىندارىنان سۇرىنبەي ءوتىپ، اقتىق دوداعا جولداما الدى.
اقتىق دودا بۇگىن استاناداعى «تىلەپ قوبىز» وتەدى. ەندى بايقاۋعا قاتىسۋشىلار جىردى جالعاستىرىپ جاتقا وقۋ ارقىلى باقتارىن سىنايدى. جاس ەرەكشەلىكتەرىنە بايلانىستى بالالار ەكى توپقا بولىنەدى. كىشى توپقا (7-11 جاس) «الپامىس باتىر» جىرى، ۇلكەن توپقا (12-15 جاس) «قىز جىبەك» جىرى بەرىلگەن.
اقتىق سىندا باق سىنايتىن ايماقتىق جەڭىمپازدار:
شىعىس قازاقستان وبلىسىنان:
باتىر الەكەەۆ
نيزان ابىلايحان
باتىس قازاقستان وبلىسىنان:
نۇرسات وراز
وڭتۇستىك قازاقستان وبلىسى:
قانىبەك دوسان
كامشات جاپپاربەكوۆا
استانا قالاسى:
قاسيەتالي قۇدايبەرگەن
ەرەجەپ قۋانىشبەك
داۋريا سۇلەيمەنوۆا
الماتى قالاسى:
توعجان باقىتوۆا
نۇراي ايتۋاروۆا
تۇقان ادىلەت
موڭعوليا:
ساعىندىق تابيعات قىزى
تىلەكبەرگەن جاناربەك ۇلى
قىتاي حالىق رەسپۋبليكاسى:
قۋانىش ەلەۋسىز ۇلى
فينالدىق باسەكە ەرتەڭ اياقتايدى.
باس جۇلدە - جاس كاتەگورياسىنا قاراي ەكى التىن قۇلىن ءمۇسىنى
1- ورىن - 500000 تەڭگە (جاس كاتەگورياسىنا قاراي 1 ميلليون تەڭگە)؛
2- ورىن - 250000 تەڭگە (جاس كاتەگورياسىنا قاراي 000 500 تەڭگە)؛
3 - ورىن - 100000 تەڭگە (جاس كاتەگورياسىنا قاراي 000 200 تەڭگە).
اۆتور: كۇنسۇلتان وتارباي