مەملەكەتتىك شەكارانى بۇزىپ وتكەن قىتاي ازاماتى ۇستالدى
«تۇنگى ساعات ون ءبىردىڭ كەزىندە «قورعاس» شەكارا وتريادىنىڭ شەكاراشىلارى ءىز تاستاۋ جولاعىنىڭ بويىنان ەلىمىزدىڭ اۋماعىنا قاراي ءجۇرىپ وتكەن ادامنىڭ ءىزىن بايقايدى. ساناۋلى مينۋتتار ىشىندە زاستاۆا «قارۋلان» بۇيرىعى بويىنشا اياقتارىنان تىك تۇرىپ، «دابىل توبى» وقيعا ورنىنا اتتانادى.
ءيىسشىل يت ءىز الامىن دەگەنشە جاركەنت شەكارا وتريادىنىڭ ساربازدارى وزدەرىنىڭ قاراۋ اۋماقتارىنا جەتىپ ۇلگەردى» ، - دەلىنگەن حابارلامادا.
ءتۇن ورتاسى اۋعاندا جاقىن ماڭداعى ەلدى مەكەندەردە توسقاۋىل كۇزەت ۇيىمداستىرىلىپ، تۇرعىنداردىڭ، اۆتوكولىكتەردىڭ قۇجاتتارى تەكسەرىلە باستايدى.
بەلسەندى ءىس- شارا ناتيجەسىندە كوپ ۇزاماي مەملەكەتتىك شەكارانى بۇزۋشى ۇستالدى.
«ول كورشىلەس قىتاي حالىق رەسپۋبليكاسىنىڭ ازاماتى بولىپ شىقتى. جاۋاپ الۋ كەزىندە ول جەر بەتىنەن جۇماق ىزدەپ، شەكارا كەسكەندىگىن مالىمدەدى» ، - دەدى باسپا ءسوز قىزمەتىنەن.
شەكاراشىلارعا جاركەنت قالاسىنان ەرىكتى جاساقشىلار كومەككە كەلدى. شەكارا بۇزۋشىنى ۇستاۋ ءىس- شاراسىنا كورشىلەس اسكەري بولىمدەردىڭ جاۋىنگەرلەرى، بورالداي اۋە بازاسىنىڭ تىكۇشاقتارى، سونداي- اق، پانفيلوۆ اۋداندىق ىشكى ىستەر ءبولىمى قىزمەتكەرلەرى جۇمىلدىرىلعان.
