بايقوڭىرداعى مۇلىكتىڭ ءبارى - قازاقستاننىڭ مەنشىگى - ت. مۇسابايەۆ

 استانا. قازاقپارات - بايقوڭىرداعى مۇلىكتىڭ ءبارى - قازاقستاننىڭ مەنشىگى. كەشە پارلامەنت ماجىلىسىندە وتكەن ۇكىمەت ساعاتىندا ق ر ۇلتتىق عارىش اگەنتتىگىنىڭ باسشىسى تالعات مۇسابايەۆ وسىلاي مالىمدەدى.
None
None

«1994 - جىلعى قازاقستان رەسپۋبليكاسى مەن رەسەي فەدەراسياسىنىڭ اراسىنداعى كەلىسىمشارتقا سايكەس بايقوڭىر ايلاعى قازاقستان رەسپۋبليكاسىنىڭ مەنشىگى بولىپ تابىلادى. ياعني، بايقوڭىر ايلاعىنداعىنىڭ بارلىعى قازاقستانعا تيەسىلى دەگەن ءسوز. دەگەنمەن، ءبىز ونىڭ ءبارىن رەسەيگە جىلىنا 115 ميلليون دوللارعا جالعا بەرىپ وتىرمىز» ، - دەپ ءتۇسىندىردى اگەنتتىك باسشىسى.

سونىمەن قاتار، كەلتىرىلگەن مالىمەتتەرگە قاراعاندا، 2009 - جىلى بايقوڭىرداعى مۇلىكتىڭ بارلىعىنا ەسەپ جۇرگىزىلگەن. ونىڭ ىشىندە 4 مىڭعا تارتا عيمارات، تەحنولوگيالىق جۇيە مەن قوندىرعىلار، 100 شاقىرىمدى قۇرايتىن جەلىلەر ەسەپكە الىنىپ، باعالانعان. ەندى كەلىسىمشارتقا سايكەس، ءاربىر ءتورت جىلدا ەسەپ جۇرگىزىلىپ تۇرادى.

بۇعان دەيىن حابارلانعانىنداي، «زەنيت- م» زىمىراندىق كەشەنىندەگى رەسەيگە جالعا بەرۋدەن شىعارىلاتىن نىسانداردىڭ ءتىزىمى بەكىتىلگەن. «سونىمەن قاتار، رەسەي فەدەراسياسى تاراپىنان «بايتەرەك» كەشەنىن قازاقستاندىق ۇيىمعا بەرۋدىڭ نورماتيۆتىك- تەحنيكالىق جانە ۇيىمداستىرۋشىلىق قۇجاتتارى دا ازىرلەنگەن. «زەنيت- م» ستارتتىق كەشەنى نىساندارىن رەسەي فەدەراسياسىنا جالعا بەرۋ قۇرامىنان شىعارۋ جانە ونى قازاقستان تاراپىنا بەرۋ 2015 - جىلدىڭ قاڭتارىنا جوسپارلانىپ وتىر» ، - دەدى ت. مۇسابايەۆ.

اۆتور: قانات مامەتقازى ۇلى








سوڭعى جاڭالىقتار