قازاقستاندا بالالاردىڭ جازعى دەمالىس ماۋسىمى باستالدى - فوتورەپورتاج

ەلدەگى ەڭ ۇلكەن بالالار لاگەرى - «بالداۋرەن» رەسپۋبليكالىق وقۋ-ساۋىقتىرۋ ورتالىعىنا قازاقستاننىڭ بارلىق وبلىستارىنان 500 دەن استام بالالار كەلدى.
«قازااقپارات» ح ا ا «بالداۋرەننەن» فوتورەپورتاج ۇسىنادى.
«بالداۋرەن» شۋچە كولىنىڭ جاعالاۋىنداعى بۋراباي كۋرورتتىق ايماعىندا ورنالاسقان «بالالار ەلى».
وقۋ-ساۋىقتىرۋ ورتالىعىندا پرەزيدەنتتىك باسقارۋ ۇلگىسىندەگى ءوزىنىڭ ساياسي قۇرىلىمى بار: دەمالىس كەزىندە بالالار پرەزيدەنت سايلايدى. سايلاۋشىلار توبىنىڭ پرەمەر-ءمينيستردى دە سايلاۋ مۇمكىندىكتەرى بولادى. ءارتۇرلى جاساق ۇسىناتىن كانديداتتار وزدەرىنىڭ سايلاۋالدى باعدارلاماسىن جاسايدى.
ءارالۋان ۇيىرمەلەردەن باسقا بالالار ەمدەۋ، ساۋىقتىرۋ شارالارىنان وتەدى. مۇندا فيزيكا، حيميا، لينگافوندىق كابينەتتەر، كومپيۋتەرلىك سىنىپ، جاتتىعۋ زالى، سپورت جانە ويىن زالى، پالاتا قالاشىعى، باسسەين بار. ونىڭ حالىقارالىق ستاندارتقا ساي ءجۇزۋ الاڭى، ءجۇزىپ ۇيرەنەتىندەرگە ارنالعان شاعىن باسسەينى بار. 20000 دانا كىتاپپەن كىتاپحانا جۇمىس ىستەيدى.
ق ر ب ع م دەرەكتەرى بويىنشا بارلىعى جازعى كەزەڭدە 1-10-سىنىپ ارالىعىنداعى 1,6 ميلليوننان استام بالا ساۋىقتىرىلادى. قازاقستاندا 11 مىڭ ساۋىقتىرۋ لاگەرلەرى مەن الاڭدار بار. جىل سايىن جازعى دەمالىستا بالالارمەن جۇمىس ىستەۋگە 45 مىڭنان استام پەداگوگيكالىق جانە مەديتسينالىق قىزمەتكەردەر جۇمىلدىرىلادى.