19:44, 23 - ماۋسىم 2014 | GMT +5
بانكوماتتى جارعان توناۋشى جارىمجان بولىپ قالدى
استانا. قازاقپارات - جەكسەنبىگە قاراعان ءتۇنى ماسكەۋدىڭ وڭتۇستىگىندە بانكوماتتى جارعان ۇرلىقشى جارىلىس تولقىنىنىڭ قاتتى سوققىسىنان ەسەڭگىرەپ، تەرمينالداعى 1,5 ميلليون رۋبلدى ۇرلاي الماي قالدى، دەپ حابارلادى يتار-تاسس-قا قۇقىق قورعاۋ ورگاندارىنان.

اقپارات بەرۋشىنىڭ سوزىنە قاراعاندا، قولدان جاسالعان جارىلعىش زاتتىڭ قۋاتتىلىعى تروتيل بويىنشا 300 گرامعا جۋاق بولعان.
قىلمىس ماسكەۋدىڭ كاشير شوسسەسىنىڭ بويىنداعى بانك بولىمىندە جاسالعان. ۇرلىقشى قولدان جاسالعان قۇرىلعىمەن بانكوماتتى جارىپ، سالدارىنان اينەكتەر مەن ەسىكتەر سىنىپ، تولەمگە ارنالعان قاسىنداعى ەكىنشى بانكومات قيرادى.
اتالعان فاكتى بويىنشا قىلمىستىق ءىس قوزعالدى، جەدەل ارەكەت ەتۋشىلەر ۆيدەوباقىلاۋ كامەرالارىنان الىنعان جازبالاردى باقىلاۋدا.