پسيحولوگيالىق ەمحانانىڭ ەمدەلۋشىسى ەلدى دۇرلىكتىردى

استانا. قازاقپارات - قاراعاندى وبلىسىنا قاراستى ساران قالاسىنداعى پسيحولوگيالىق ەمحانانىڭ ەمدەلۋشىسى يەۆانگەليستىك حريستريان-باپتيستەرىنىڭ شىركەۋى جانىنداعى بالالار ۇيىنە جارىلعىش زات قويىلعانىن حابارلاپ، ەلدى دۇرلىكتىردى، - دەپ حابارلايدى Tengrinews.kz سايتى.
None
None

قالا ورتالىعىنداعى پوليتسيا بولىمىنە بەلگىسىز ءبىر ازامات قوڭىراۋ شالىپ، يەۆانگەليستىك شىركەۋ عيماراتىنا جارىلعىش زات قويىلعانىن حابارلاعان. "ءبىز توتەنشە جاعداي بولعان جەرگە بىرگە باردىق. بالالار مەن پەدوگوگتاردىڭ كومەگىمەن بالالار ۇيىنەن 43 ازامات قاۋىپسىز ايماققا شىعارىلدى. ارنايى ماماندار كۇماندى جارىلعىش زاتتى ىزدەپ، ەشتەڭە تابا المادى"، - دەپ حابارلادى جەدەل جاردەم قىزمەتىنىڭ وبلىستىق ورتالىعى.

پوليتسەيلەر تەلوفون-لاڭكەسى كىم ەكەنىن انىقتادى. ول ساران قالاسىنداعى پسيحو-نيەۆرولوگيالىق ديسپانسەردىڭ 22 جاسار ەمدەلۋشىسى ەكەن. ول كىناسىن مويىنداپ، جاي عانا ازىلدەمەك بولعانىن، سونىمەن قاتار موبيلدى تەلەفوندى سانيتاردان العانىن ايتقان.

ەندى "لاڭكەستىك تۋرالى قاساقانا جالعان اقپارات تاراتۋ" بويىنشا قىلمىستىق ءىس قوزعالدى. قوڭىراۋ اۆتورىنىڭ دەنساۋلىعىنا بايلانىستى قۇقىققورعاۋشىلار ونى قاماعان جوق. قازىر تەرگەۋ شارالارى جۇرگىزىلۋدە.

سوڭعى جاڭالىقتار