قازاقستاندىق عارىشكەر قىتاي جەرىنەن عارىشقا ۇشۋى مۇمكىن

استانا. قازاقپارات - قازاقستاندىق عارىشكەر قىتايلىق تەحنيكامەن عارىشقا اتتانۋى مۇمكىن، - دەپ حابارلايدى Tengrinews.kz ءتىلشىسى ۇلتتىق عارىش اگەنتتىگىنىڭ ءتوراعاسى تالعات مۇسابايەۆقا سىلتەمە جاساپ.
None
None

"قازىرگى كەزدە ءبىز قىتايلىق ارىپتەستەرىمىزبەن جۇمىس ىستەپ، قازاقستاندىق عارىشكەردى قىتايلىق تەحنيكامەن عارىشقا ۇشىرۋدى قاراستىرىپ جاتىرمىز"، - دەپ اتاپ كورسەتتى مۇسابايەۆ بۇگىن جۋرناليستەرگە بەرگەن سۇحباتىندا. ونىڭ ايتۋىنشا، بۇل ماسەلە رەسەي فەدەراتسياسىمەن دە پىسىقتالىپ جاتىر.

مامىردىڭ باسىندا ورتالىق كوممۋنيكاتسيالار قىزمەتىندە وتكەن بريفينگتە اگەنتتىك باسشىسى قازاقستاندىق ازاماتتىڭ عارىشقا ۇشاتىنىن، الايدا ونىڭ قازاق بولۋى ەكىتالاي ەكەنىن ايتقان بولاتىن. سول كەزدە جۋرناليستەردىڭ "قازاقستان ازاماتىن عارىشقا قاشان جىبەرەمىز؟" دەگەن ساۋالىنا مۇسابايەۆ مىرزا: "قىزىق سۇراق قوياسىزدار ءوزى، بۇل پويىز نەمەسە ۇشاق ەمەس قوي، ىشىنە وتىرعىزىپ قويىپ، جىبەرە سالاتىن"، - دەپ باستادى.

ونىڭ ايتۋىنشا، بۇل - مەملەكەت باسشىلاردىڭ دەڭگەيىندە قارالاتىن ماسەلە. "ونى ىسكە اسىرۋ وڭاي ەمەس. سەبەبى ءدال قازىر وربيتادا رەسەيلىك "مير" ستانتسياسى ەمەس، حالىقارالىق عارىش ستانتسياسى (ISS) جۇمىس ىستەپ جاتىر. بۇرىن عارىشقا كىمدى جىبەرەتىنىن رەسەي شەشسە، قازىر جاعداي باسقاشا.

بىردەن ايتايىن، قازاقستان ISS-كە كىرمەيدى. وعان ەۋروپا، ا ق ش، رەسەي، جاپونيا، كانادا سياقتى 20 عا جۋىق مەملەكەت كىرەدى. سوندىقتان سىزدەر ايتقانداي، ءوز ازاماتىمىزدى عارىشعا جىبەرۋ ءۇشىن اتالعان ەلدەردىڭ بارلىعى رۇقسات بەرۋى ءتيىس. ارينە، ول - وتە قيىن ماسەلە. قازىر عارىشكەرلەردىڭ ۇزىن-سونار كەزەگى بىرنەشە جىلعا سوزىلادى. سوعان قاراماستان، ءبىز ناقتى شارالاردى اتقارىپ، كەلىسسوزدەر جۇرگىزىپ جاتىرمىز. وڭتايلى شەشىمدەر دە جوق ەمەس. ءبىز الدىن الا ايتا الامىز، بالكىم ول باستاما 2017 - جىلى جۇزەگە اسادى"، - دەدى مۇسابايەۆ.

الايدا ونىڭ قازاق بولۋى ەكىتالاي. "عارىشقا قازاقستان ازاماتى ۇشادى دەپ ايتقان ءجون. بۇل جەردە ءبىز قازاق تۋرالى ايتىپ وتىرعان جوقپىز. مۇسابايەۆ نەمەسە مىرقىمبايەۆ دەپ... ەڭ باستىسى، ول قازاقستان ازاماتى بولۋى ءتيىس"، - دەدى مۇسابايەۆ. بۇگىندە عارىشكەر پولكوۆنيك ايدىن ايىمبەتوۆ - نەگىزگى ۇمىتكەرلەردىڭ ءبىرى. "ازىرشە، ول تىزىمدە ءبىرىنشى بولىپ تۇر. ءبىراق بۇل ازىرشە. ءبىز باسقا ادامداردى دا دايىندايتىن بولامىز"، - دەپ اتاپ كورسەتكەن مۇسابايەۆ مىرزا.

 

"ەندى قازىر ءبىز پيلوتتىق عارىشپەن اينالىسا المايمىز. وعان ءالى دايىن ەمەسپىز. دەگەنمەن، قازاق حالقىنىڭ وكىلدەرى تاعى دا عارىشقا ۇشا ما؟ دەگەن سۇراققا مەن: "ۇشادى، مەن وعان سەنىمدىمىن"، - دەپ تالاي رەت جاۋاپ بەرگەنمىن. مەن بۇل ماسەلەنى بىلتىر بەيجىڭدە قىتايدىڭ عارىش اكىمشىلىگى جەتەكشىسىمەن بولعان كەزدەسۋدە دە كوتەرگەن بولاتىنمىن. ەگەر رەسەيمەن ەشتەڭە شىقپاسا، وندا ءبىز ءوز عارىشكەرىمىزدى قىتايدان جىبەرەتىن شىعارمىز"، - دەيدى مۇسابايەۆ.

Tengrinews.kz

سوڭعى جاڭالىقتار