14:43, 25 - ماۋسىم 2014 | GMT +5
كارىم ءماسىموۆ بىلىكتى مامانداردىڭ ەلدەن كەتىپ قالۋىنان الاڭدايدى
استانا. قازاقپارات- قازاقستان پرەمەر- ءمينيسترى كارىم ءماسىموۆ بىلىكتى مامانداردىڭ وزگە دامىعان ەلدەردىڭ ەكونوميكاسىنا كەتىپ قالۋىنا الاڭدايدى. بۇل تۋرالى ول استانادا ءوتىپ جاتقان كاسىپكەرلەردىڭ ءبىرىنشى سەزىندە ايتتى.

«دامۋشى ەكونوميكانىڭ الدىندا، سونىڭ ىشىندە، قازاقستان ەكونوميكاسىندا ءتورت جاڭا ماسەلە تۇر. سونىڭ ءبىرى- ەڭبەك رەسۋرستارىنىڭ جيناقىلىعى، قازىر دامىعان ەلدەردە بىلىكتى، تالانتتى ادامدار تاپشىلىعى بايقالىپ وتىر. ەگەر ا ق ش، باتىس ەۋروپا زاڭنامالارىنداعى وزگەرىستەردى قاراساق، ولار بىلىكتى قىزمەتكەرلەردىڭ كوشى- قون ماسەلەسىن ايتارلىقتاي جەڭىلدەتىپ جاتىر. سوعان بايلانىستى جوعارى بىلىكتى، ءارى تالانتتى ادامداردىڭ دامۋشى ەلدەردەن، سونىڭ ىشىندە قازاقستاننان مەيلىنشە دامىعان ەلدەرگە كەتىپ قالۋ قاۋپى تۋىندايدى»، - دەدى ءماسىموۆ.
ونىڭ ايتۋىنشا، بۇل ماسەلەنى ۇكىمەتتىڭ كوشى- قون ساياساتى جونىندەگى جۇمىسىندا ەسكەرۋ كەرەك، سونداي- اق كاسىپكەرلەر دە بۇعان نازار اۋدارۋى قاجەت.
Tengrinews.kz