نوۋتبۋك ساتىپ العاندا نەگە ءمان بەرۋ كەرەك؟

قايسى نوۋتبۋك جاقسى، قايسىسى ساپالى ەكەنى تۋرالى كوپ ويلايسىز با؟
ارزانىن نە قىمباتىن تاڭداۋدى بىلمەي ءجۇرسىز بە؟
دەمەك، وسى بلوگتا ايتار كەڭەستەرىم ءسىزدىڭ پايداڭىزعا جارايدى دەپ ويلايمىن.
وندا نوۋتبۋك ساتىپ الاردا نەگە كوبىرەك ءمان بەرۋ كەرەكتىگى تۋرالى كەڭەستەرىمدى قابىل الىڭىزدار.
قولدانۋ اياڭىزدى تالداپ كورىڭىز
ءبىز بارلىعىمىز بىردەي ساپاداعى نەمەسە بىردەي مۇمكىندىككە يە نوۋتبۋك ىزدەمەيمىز. سوندىقتان نوۋتبۋك ساتىپ الماستان بۇرىن نە ءۇشىن ونى ساتىپ الۋىڭىز تۋرالى ءبىر ءسات ويلاپ كورىڭىز. پرەزەنتاتسيا، جازبالار جازىپ، قاراپايىم بيزنەسكە قاجەت تاپسىرمالار ورىنداعىڭىز كەلە مە؟ الدە نوۋتبۋكتا كينولار كورىپ، ۆيدەو-ويىندار ويناپ، ۆيدەو ارقىلى چاتتا سويلەسكىڭىز كەلە مە؟
ءسىز ساتىپ الماقشى بولعان نوۋتبۋك شامامەن قانداي سومادا بولعانىن قالايسىز؟ كەيىن سول سوماداعى ەڭ جاقسى نوۋتبۋكتى الۋعا تىرىسىڭىز.
باتارەيا
نوۋتبۋكتى جول بويى نەمەسە ۇزدىكسىز پايدالانۋ ءۇشىن باتارەيا وتە ماڭىزدى ءرول وينايدى. سوندىقتان نوۋتبۋك ساتىپ الاردا باتارەياسى قانشا ۋاقىتقا جەتەتىنە كوپ نازار اۋدارعان دۇرىس. سونىمەن بىرگە باتارەيانى قولدانۋدىڭ ءوز ەرەجەلەرى بار. مىسالى: كومپيۋتەر باتارەياسىن زاريادتاپ جاتقاندا نەمەسە زاريادتى تولىق الماي تۇرىپ، ونى قولدانۋعا بولمايدى. ايتپەسە، باتارەيا جۇمىس جاساۋ رەجيمى بۇزىلىپ، زارياد ءوز ۋاقتىنان بۇرىن ءبىتىپ قالۋى مۇمكىن. ەڭ دۇرىسى باتارەيا زاريادى تولىق بىتكەنشە كۇتىپ، كەيىن ونى تولىق زارياد العانشا توكقا قوسىپ قويۋ كەرەك.
ولشەم جانە سالماق
اۋىر سالماقتى نوۋتبۋكتار موبيلدىلىكتى باسەڭدەتەدى. 2011 - جىلى كومپيۋتەر پروتسەسسورلارىن شىعاراتىن Intel كومپانياسى ۋلترا كىتاپ ساناتىن جەڭىل 3 فۋنت (1.3 ك گ) سالماقتاعى جۇيەلەر پروتسەسسورعا از سالماق ءتۇسۋى ءۇشىن شىعاردى.
كوپشىلىك 15 ديۋيمدى (38 س م) نوۋتبۋكتار 5 فۋنت (2.3 ك گ) سالماققا تەڭ نوۋتبۋك ىزدەيدى، سەبەبى ول ءۇي مەن وفيس اراسىندا كوتەرىپ جۇرۋگە وتە ىڭعايلى. ال كەيبىر 7-8 فۋنت (3,2-3,6 ك گ) دياپازونداعى نوۋتبۋكتار كوتەرىپ جۇرۋگە اۋىر جانە ىڭعايسىز بولادى، سوندىقتان ونداي نوۋتبۋكتاردىڭ تۇراقتى ورنى ء(ۇي نەمەسە جۇمىس ورنى) بولعانى دۇرىس.
ەكران ولشەمى
وندىرىستەگى نوۋتبۋكتاردىڭ 3 جالپى ولشەمى بار: 13 ديۋيمدى (33 س م) ، 15 ديۋيمدى (38 س م) ي 17 ديۋيمدى (43 س م) . ەڭ كىشى ولشەمدەگىلەردىڭ ارتىقشىلىعى - موبيلدىلىگىندە. ءبىراق ولشەمىن كىشى جانە جىڭىشكە ەتۋ ءۇشىن ديسكوۆود قويمايدى. ورتا ولشەمدەگىلەردىڭ كوبىسى ۇستەل كومپيۋتەرى سياقتى جاقسى جۇمىس جاسايدى، سونداي-اق ەكرانى دا ۇلكەن، كوتەرىپ جۇرۋگە دە ىڭعايلىراق. ەڭ ۇلكەن ولشەمدەگىلەر ەكرانى وتە ۇلكەن بولادى، سالماعى 4.5 ك گ-عا دەيىن جەتەدى.
پروتسەسسور جانە گرافيكا
پروتسەسسور - كومپيۋتەردەگى باعدارلامالاردى قانشالىقتى جىلدام ءارى ءتيىمدى ورىندايتىندىعىن انىقتايدى. پروتسەسسوردىڭ يادروسى كوپ بولعان سايىن قيىن، اۋىر باعدارلامالاردى كومپيۋتەر جەڭىل ورىندايدى. مىسالى: ەكى يادروعا قاراعاندا ءتورت يادرولى پروتسەسسورلار جاقسى جۇمىس جاسايدى.
گرافيكالىق پروتسەسسور HD ۆيدەولاردى جانە ويىنداردى كورسەتۋگە قىزمەت ەتەدى.
جاد جانە قاتتى ديسك
كومپيۋتەردەگى مالىمەتتەرىمىز قاتتى ديسكتە ساقتالادى. سوندىقتان كومپيۋتەر جادى كوپ بولۋىن قالاساڭىز، كوبىرەك 500 گ ب، 750گ ب جادقا يە قاتتى ديسكتى نوۋتبۋك العان دۇرىس. ەگەر وتە كوپ ۆيدەو، مۋزىكا ساقتامايتىن بولساڭىز، 250 گ ب قاتتى ديسكتىڭ ءوزى جەتىپ ارتادى.
پورتتار
ءاربىر كومپيۋتەر قولدانۋشى USB پورت تۋرالى جاقسى بىلەدى. الايدا USB ستاندارتىنىڭ ءجيى جاڭالانىپ تۇرۋى تۋرالى كوپشىلىك بىلە بەرمەيدى. USB 3.0 اقىرىنداپ دامىپ كەلە جاتىر، ول قازىرگى USB-گە قاراعاندا 10 ەسە جىلدامىراق جۇمىس جاسايدى. اقپارات جەتكىزۋ جىلدامدىعى سەكۋندىنا 400 مەگابايتقا دەيىن جەتەدى.
قاۋىپسىزدىك شارالارى
كومپيۋتەردە كوپتەگەن ارتىق اقپارات جينالىپ قالۋى مۇمكىن. بۇل ءوز كەزەگىندە ماڭىزدى اقپاراتتارعا زيانى ءتيىپ كەتۋى مۇمكىن. سوندىقتان ءاربىر قاجەتتى اقپارات ساقتالعان ورىندى (پاپكانى) ابايلاپ ساقتاۋ كەرەك. قۇپيا ءسوز (پارول) قويىپ قويۋ دا وتە ءتيىمدى ءادىس بولىپ ەسسەپتەلەدى. مىندەتتى تۇردە كومپيۋتەرگە كىرەتىن كەزدە قيىن قۇپيا ءسوز بولعانى دۇرىس. كوبىنەسە قولدانۋشىنىڭ ساۋساق ىزدەرى ارقىلى نەمەسە سول ادامنىڭ ءتۇرىن ۆيدەو ارقىلى كورىپ كىرگىزەتىن قاۋىپسىزدىك ادىستەرى دە بار.
كەپىلدىك
كومپيۋتەر ساتىپ العاندا ساتۋشى دۇكەننىڭ نە كومپانيانىڭ بەرەتىن كەپىلدىگى دە وتە ماڭىزدى ەكەنىن ۇمىتپاعان ءجون. سەبەبى نوۋتبۋك تا تەمىر-تەرسەكتەن قۇرالعاندىقتان قاي كەزدە بۇزىلىپ قالۋىن ەشكىم بىلمەيدى. سوندىقتان كەپىلدىك بەرەتىن ۋاقىتى قانشا ۇزاق بولسا، سونشا وزىڭىزگە پايدا. بۇزىلعان جاعدايدا، ساتۋشى جاق وزدەرى تەگىن جوندەپ بەرەدى.
blogtime