11:24, 23 - ماۋسىم 2014 | GMT +5
يزرايل ا ق ش- تى يرانمەن ىنتىماقتاسپاۋعا شاقىردى
استانا. قازاقپارات - يزرايل پرەمەر- ءمينيسترى بەنيامين نەتانياحۋ ا ق ش- تى يراكتا تۇراقتىلىق ورناتۋعا كومەكتەسۋ ىسىندە يرانمەن ىنتىماقتاسپاۋعا شاقىردى.
22 - ماۋسىم كۇنى NBC تەلەارناسىندا سويلەگەن نەتانياحۋ ا ق ش يران مەن يراكتىڭ بىرنەشە قالاسىن الىپ، باعدادقا قاراي بەت العان «يراك جانە ليەۆانت يسلام مەملەكەتى» ۇيىمىن «بىردەي السىرەتۋى ءتيىس» دەدى.
ا ق ش پرەزيدەنتى باراك وباما «ەگەر يران ا ق ش- تىڭ يراكتاعى بارلىق تاراپتاردىڭ بىردەي قۇرمەتكە يە بولۋى ساياساتىن قولداعان جاعدايدا تەگەران يراكتا كونسترۋكتيۆتى ءرول اتقارا الادى» دەپ مالىمدەگەن.
نەتانياحۋ بۇعان قوسا بىلتىر قاراشادا ا ق ش پەن وزگە الەمدىك التى دەرجاۆانىڭ يراننىڭ يادرولىق باعدارلاماسىن باسەڭسىتۋگە قاتىستى ۋاقىتشا كەلىسىم جاساسۋىن «تاريحي قاتەلىك» دەپ اتادى.
«ازاتتىق»
