يران پرەزيدەنتى: ءبىزدىڭ قۇراما ەڭسەسى تۇسپەگەن كۇيدە الاڭنان كەتتى

استانا. قازاقپارات - يراننىڭ كوپتەگەن قالالارىنىڭ تۇرعىندارى ۇلتتىق قۇرامالارىنىڭ تەك قوسىمشا ۋاقىتتا عانا ءبىر گول جىبەرىپ، الەمنىڭ ەڭ ازۋلى كوماندالارىنىڭ ءبىرى ارگەنتينا قۇراماسىنان 0:1 ەسەبىمەن ۇتىلعانىنا ءدان ريزا،
None
None

دەپ جازادى شەتەلدىك ب ا ق.

ويىننىڭ نەگىزگى ۋاقىتىندا يران كومانداسى ارگەنتينالىقتاردىڭ قانشاما شابۋىلىنا توتەپ بەرىپ، كەي ساتتەردە وزدەرى دە گول سالۋعا شاق قالعان.

ولاردىڭ ايتۋىنشا، ويىننىڭ ەڭ سوڭعى شابۋىلى كەزىندە عانا مەسسي شەبەرلىك تانىتىپ، يران قاقپاسىنان ساڭىلاۋ تاپقان. يران پرەزيدەنتى حاسان رۋحاني دا بۇل جايىندا: «يران كومانداسى الاڭدى ەڭسەسى تۇسپەگەن كۇيدە تاستاپ شىقتى» ، - دەپتى. ال، ەلدىڭ سىرتقى ىستەر ءمينيسترى دجاۆاد زاريف بولسا: «ءبىزدىڭ قۇراما بارلىق يراندىقتاردى ءوز ەلىنە دەگەن ماقتانىش سەزىمىنە بولەدى» دەپ ويىنعا باعا بەرىپتى.

ءبىراق، يران قۇراماسىنىڭ ءالى دە F توبىنان شيرەك فينالعا شىعۋعا مۇمكىندىگى بار.

سوڭعى جاڭالىقتار