حالىقتىڭ الدىندا وبلىس اكىمىنە شەشىم قابىلداتقان ايتىس مارەسىنە جەتتى - فوتو
دەپ جازادى kazaitys.kz.
باس جۇلدەنى (2 ميلليون تەڭگە) قىزىلوردالىق نۇرمات مانسۇروۆ جەڭىپ الدى. ال ءبىرىنشى ورىنعا (1 جارىم ميلليون تەڭگە) قاينار الاگوز يە بولدى. ەكىنشى ورىنعا بەرىلگەن 1 ميلليون تەڭگەنى اسەت دۇيسەباي السا، بالعىنبەك يماشيەۆ پەن جاقسىلىق ورىنباسار ءۇشىنشى ورىندى (750 مىڭ تەڭگە) يەلەندى.
بۇل ايتىسقا قاتىسقان اقىنداردىڭ ەشقايسىسى بوس قايتقان جوق. «نۇر وتان» پارتياسى ۇيىمداستىرعان الدىڭعى ايتىستارداعىداي ءارقايسىسى 500 مىڭ تەڭگەدەن قانجىعالادى.
ايتىستىڭ تاعى ءبىر ەرەكشەلىگى، ايتىس بارىسىندا ءبىرجان بايتۋ تارازعا كىرەبەرىس قاقپادا «ءموپ- ءمولدىر كوزدىڭ قاراسىن، تارازدان عانا تاباسىڭ» دەپ جازىلعان ءسوزدى سىناپ، «وزگەلەرگە تارازدىڭ قىزدارىن جارنامالاپ تۇرعانداي ەكەن، بۇل قازاقى بولمىسىمىزعا جات» دەگەندەي نازىن ايتىپ ەدى اكىمگە. باس جۇلدەنى تاپسىرۋعا شىققان جامبىل وبلىسىنىڭ اكىمى كارىم كوكىرەكبايەۆ جۇرت كوزىنشە قالا اكىمىنە تاپسىرما بەرىپ، ول ءسوزدى باسقا سوزگە وزگەرتۋىن تاپسىردى.
