فرانسيا ەلشىلىگى اتىراۋدا ۆيزالىق ءبولىمىن اشپاق

اتىراۋ. قازاقپارات - اتىراۋدا فرانسۋز ەلشىلىگىنىڭ ۆيزالىق ءبولىمى اشىلۋى مۇمكىن، دەپ حابارلادى وسى ەلدىڭ ق ر- داعى توتەنشە جانە وكىلەتتى ەلشىسى فرانسيس ەتەن.

«قازاقستان - ۇلكەن مەملەكەت. فرانسۋز ديپلوماتيالىق ميسسيالارىنىڭ استانا مەن الماتىدا عانا بولۋى بىزگە جەتكىلىكسىز. سوندىقتان بولاشاق اتىراۋدا ۆيزالىق ءبولىم اشىلۋى مۇمكىن. سونداي- اق اتىراۋدا فرانسۋز مەكتەبىن اشۋ دا ويدا بار» ، - دەپ مالىمدەدى ەلشى قازاقپارات تىلشىسىنە اتىراۋدا بولعان ءبىر كۇندىك ساپارىنىڭ بارىسىندا.

 ەلشى اتىراۋعا قازاقستاننىڭ وسى وڭىرىندەگى فرانسيانىڭ جاڭادان تاعايىندالعان قۇرمەتتى كونسۋلىن تانىستىرۋعا كەلدى. بۇل قىزمەتكە قازاقستانداعى «مەركۋر حولدينگ» باس ديرەكتورى ەسەنعالي بايمەنوۆ تاعايىندالدى.

 «قۇرمەتتى كونسۋلدىڭ نەگىزگى مىندەتى فرانسيانىڭ مۇددەسىن اتىراۋ قالاسىندا جانە اتىراۋ وبلىسىندا ءبىلدىرۋ بولماق. ونىڭ قۇزىرەتىنە وسى وڭىردە تۇراتىن فرانسيا ازاماتتارىنا زاڭدىق جانە باسقا دا كومەكتەر كورسەتۋ، سونداي- اق فرانسيا مەن قازاقستان اراسىنداعى ەكونوميكالىق جانە مادەني ىنتىماقتاستىقتى دامىتۋ كىرەدى» ، - دەدى قۇرمەتتى كونسۋلدى تانىستىرۋ راسىمىندە ف. ەتەن.

فرانسيا قازاقستاندىق ەكونوميكاعا 9 ميلليارد دوللار ينۆەستيتسيا قۇيىپ، ينۆەستيتسيالار كولەمى جاعىنان نيدەرلاندى مەن ا ق ش- تان كەيىن ءۇشىنشى ورىن الادى. قازاقستان مەن فرانسيا اراسىنداعى جىل سايىنعى تاۋار اينالىمى 6,5 ميلليارد ەۋرودان اسادى. ونىڭ 4,2 ميللياردى اتىراۋ وبلىسىنا تيەسىلى.