ەردوعان: تۇركيا ەۋرووداققا قاجەت مەملەكەت
بۇل تۋرالى ليونعا ساپارى بارىسىندا تۇرىك قاۋىمىنىڭ الداندا سويلەگەن سوزىندە تۇركيا پرەمەر-ءمينيسترى رەدجەپ تايىپ ەردوعان ءمالىم ەتتى.
ەردوعان مەن ونىڭ زايىبىنا فرانسيادا تۇرىپ، جۇمىس ىستەپ جاتقان مىڭداعان تۇركيا ازاماتتارى قوشەمەت كورسەتتى.
«ەۋرووداقتىڭ قۋاتتى ەكونوميكاسىنا تۇركيا قاجەت. سەبەبى، تۇركيا قارقىندى دامۋشى مەملەكەت جانە تۇركيا ماڭگىلىك كۇتە الاتىن مەملەكەت ەمەس»، - دەپ توقتالعان پرەمەر-مينيستر، وسى ورايدا انكارانىڭ ە و-نىڭ تولىق مۇشەسى بولۋى نيەتى جايىندا ەسكە سالىپ ءوتتى.
بايقاۋشىلاردىڭ اتاپ وتۋىنشە، پرەزيدەنت رەتىندە نيكوليا ساركوزيدى فرانسۋا وللاند اۋىستىرعاننان كەيىن تۇركيا مەن فرانسيا اراسىنداعى قاتىناستار جاقسارا باستادى.
ەردوعان ليوندا تۇرىپ جاتقان وتانداستارىنا تامىزداعى پرەزيدەنتتىك سايلاۋعا وراي ايدىڭ اياعىندا ءوزىنىڭ پارتياسى اتىنان كانديداتۋرانى جاريالايتىنىن اتاپ ءوتتى. سونىمەن قاتار ول فرانسياداعى بارلىق تۇرىكتەردى سايلاۋعا قاتىسۋعا شاقىردى.
اۆتور: رۋسلان عابباسوۆ
