جول-كولىك وقيعاسى كۋاگەرىن وجەتتىگى ءۇشىن ماراپاتتاماقشى

بۇل تۋرالى ۇيىم جەتەكشىسى ارسەن شاكۋوۆ ايتتى.
ەسكە سالايىق، مەملەكەتتىك قىزمەتكەر Lexus كولىگىمەن جۇكتى ايەلدى جانە ونىڭ ءۇش جاستاعى بالاسىن قاعىپ كەتكەننەن كەيىن وقيعا ورنىنان ءىزىن جاسىرماق بولعان.
ول تار كوشەگە ءتۇسىپ الىپ قاشىپ بارا جاتقاندا، وقيعا كۋاگەرى ونىڭ جولىن ءوز كولىگىمەن بوگەگەن.
"ءبىز بۇل قىزعا ءبىزدىڭ قاۋىمداستىققا مۇشە بولۋعا ۇسىنىس جاسايمىز، ول بىزگە كەلەشەكتە دە وسىلاي كومەكتەسىپ تۇرار ما ەكەن دەيمىز. ونى وجەتتىك، ەرلىك تانىتىپ، وزگەلەرگە ۇلگى بولعانى ءۇشىن ماراپاتتاعىمىز كەلەدى. ويتكەنى ادامداردىڭ كەلەڭسىز جاعدايلاردى كورگەندە بويىن اۋلاق ۇستاپ جاتاتىنى ءجيى كەزدەسەدى"، - دەيدى شاكۋوۆ.
ول قالا اكىمدىگىنە حات جازىپ، قىزعا وردەن بەرۋدى سۇراماق، سول سياقتى وعان ماقتاۋ قاعازىن بەرۋدى ءوتىنىپ، پوليتسياعا سۇراۋ جولدايدى.
وقيعا كۋاگەرى تاحمينا شوحيماردونوۆا Tengrinews.kz-كە وقيعا ورنىنا كەزدەيسوق تاپ بولعانىن ايتتى. سول ءتۇنى ول ءدارىحاناعا بارا جاتقان. "جانسۇگىروۆ داڭعىلىمەن جوعارى باعىتتا كەلە جاتقان ەدىم. جۇمابايەۆ كوشەسىن وتكەننەن كەيىن ايالداماقشى بولدىم. سول كەزدە ماشينانىڭ جاياۋلاردى قاعىپ كەتكەنىن كوردىم"، - دەيدى شوحيماردونوۆا.
قىزدىڭ ايتۋىنشا، ول جۇرگىزۋشىنىڭ وقيعا ورنىنان كەتىپ قالعالى جاتقانىن بايقاپ، دەرەۋ ونىڭ ارتىنان جۇرگەن. ماڭايدا جۇرگىزىلىپ جاتقان جوندەۋ جۇمىستارىنىڭ پايداسىنا ءتيدى. "ءبىزدىڭ كولىكتەرىمىزدىڭ جىلدامدىعى ءارتۇرلى ەدى، ول قاشامىن دەسە، قاشىپ كەتەر ەدى. ءبىراق ول سول جەردە تەجەگىشىن باستى، سول كەزدە مەن ونىڭ جولاعىنا كولدەنەڭ تۇرىپ الدىم. ماشينادان شىعىپ، جاقىنداپ، تەرەزەسىن ۇرعىلاي باستادىم. سودان كەيىن 102 قىزمەتىن شاقىردىم"، - دەيدى كۋاگەر. ونىڭ ايتۋىنشا، سول ساتتە كۇدىكتىنى ۇستاۋعا باسقا دا كۋاگەرلەر كومەككە كەلگەن.
الماتىدا بۇل جول-كولىك وقيعاسى 23 - ماۋسىم كۇنى بولعان ەدى. كۇدىكتى قۇرماشيەۆ بۇل وقيعادان سوڭ قىزمەتىنەن بوساتىلدى. بۇل فاكتى بويىنشا "جول قوزعالىسى جانە كولىكتى پايدالانۋ ەرەجەسىن بۇزۋ"، "جول-كولىك وقيعاسى ورنىنان كەتىپ قالۋ" جانە "قاۋىپتە قالدىرۋ" باپتارىمەن قىلمىستىق ءىس قوزعالعان بولاتىن. تەرگەۋ ءجۇرىپ جاتىر. قازىر زارداپ شەگۋشىلەردىڭ جاعدايى تۇراقتى. ايەلدىڭ باسى جارىلىپ، قابىرعاسى سىنعان. ۇلىنىڭ شۇيدە سۇيەگى سىنىپتى. ايەلدىڭ قۇرساقتاعى ءسابيى امان.