15:20, 22 - ماۋسىم 2014 | GMT +5
قاندىقول سارباز قورشاۋعا الىندى
استانا. قازاقپارات - وڭتۇستىك كورەيانىڭ اسكەريلەرى سەنبى كۇنى بەس قىزمەتتەسىن ءولتىرىپ، تاعى بەسەۋىن جاراقاتتاعان شەكاراشى سەرجانتتى قورشاۋعا الدى.

بۇل تۋرالى شەتەلدىك ب ا ق حابارلادى.
وسىنىڭ الدىندا كورەيا رەسپۋبليكاسى قارۋلى كۇشتەرىنىڭ اسكەريلەرى بۇل سەرجانتپەن قارۋلى قاقتىعىسقا تۇسكەن ەدى. قارۋلى قاقتىعىس ك ح د ر-مەن شەكاراداعى كوسون قالاسى (كانۆوندو پروۆينتسياسى) اۋداندارىنىڭ بىرىندەگى باستاۋىش مەكتەپتىڭ ماڭىندا بولدى. بۇل وقيعا جايىندا ناقتى اقپاراتتار حابارلانباي وتىر.
BBC-دىڭ حابارلاۋىنشا، وقيعا ورنىنا ساربازدىڭ اتا-اناسى جەتكىزىلىپ، اناسى بالاسىنىڭ تۇتقىنعا بەرىلۋىن وتىنگەن.
بۇدان بۇرىن حابارلانعانداي، 23 جاسار سەرجانت سەنبىدە ءوز قىزمەتتەستەرىنە وق جاۋدىردى. ناتيجەسىندە 5 اسكەري قىزمەتكەر قازا تاۋىپ، تاعى بەسەۋى جاراقات الدى. وسىدان كەيىن ول وقيعا ورنىنان ءىزىن سۋىتىپ ۇلگەردى. ازىرگە سەرجانتتىڭ بۇنداي قادامقا نەلىكتەن بارعاندىعى بەلگىسىز بولىپ وتىر.
اۆتور: رۋسلان عابباسوۆ