قازاقستاندىق تەلەارنا باسشىسى ارىپتەستەرىمەن بىرلەسىپ قىزمەتكەرىن سوققىعا جىعىپ كەتتى

استانا. قازاقپارات - قازاقستاندىق تەلەارنالارىنىڭ ءبىرىنىڭ باسشىسى قاراماعىنداعى زاڭگەردى سوققىعا العان، دەپ حابارلادى Bestnews.kz سايتى اقمولا وبلىسى ءىءى د-نىڭ باسپا ءسوز قىزمەتىنە سىلتەمە جاساي وتىرىپ.
None
None

اتالعان فاكتى بويىنشا قر قك كورسەتىلگەن 257-بابىنىڭ 2-ءبولىمى بويىنشا قىلمىستىق ءىس قوزعالدى.

ءى ءى د-نىڭ باسپا ءسوز قىزمەتىنىڭ حابارلاماسىندا كورسەتىلگەندەي، قىلمىستىق جاۋاپقا تارتىلعانداردىڭ ىشىندە - «قازاقستان-كوكشەتاۋ» وبلىستىق تەلەراديوكومپانياسىنىڭ باسشىسى دا بار.

حابارلامادا بەلگىلەنگەندەي، جابىرلەنۋشى «قازاقستان-كوكشەتاۋ» وبلىستىق تەلەراديوكومپانياسىندا زاڭگەر قىزمەتىن اتقارعان. قازىر ول وبلىس ورتالىعىنداعى مەديتسينا مەكەمەسىنىڭ نەيروحيرۋرگيا بولىمىندە ەم قابىلداپ جاتىر.

جابىرلەنۋشىنىڭ ايتۋىنشا، 2014 - جىلدىڭ 13 - ماۋسىم كۇنى «قازاقستان-كوكشەتاۋ» وبلىستىق تەلەراديوكومپانياسىندا ديرەكتوردىڭ تۋعان كۇنىن تويلاعان. داستارحان باسىندا وتىرعان قوناقتاردىڭ ءبىرى - «حابار» رەسپۋبليكالىق تەلەارناسىنىڭ تىلشىسىنە، جابىرلەنۋشىنىڭ امانداسقانى كوڭىلىنە جاقپاي قالادى. مىنە وسى جاعدايدىڭ ارتى شۋ تۋدىردى.

وبلىستىق ءى ءى د-نىڭ باسپا ءسوز قىزمەتىنىڭ اقپاراتى بويىنشا، 13 مەن 14 - مامىر كۇنى تۇنگى ساعات 3 شاماسىندا جابىرلەنۋشىنىڭ ۇيالى تەلەفونىنا ارىپتەستەرى حابارلاسىپ، دالاعا شىعۋىن سۇرايدى. ءى ءى د مالىمدەۋىنشە، جابىرلەنۋشى 1-قاباتتا تۇرعاندىقتان، ۇيدەگىلەرىن وياتىپ الماۋ ماقساتىندا سىرتقا شىعادى.

جابىرلەنۋشى ەسىك الدىنان قىزمەت كولىگىمەن كەلگەن «قازاقستان-كوكشەتاۋ» تەلەراديوكومپانياسىنىڭ ديرەكتورىن، كوكشەتاۋ قالاسىنداعى «حابار» تەلەارناسىنىڭ جەرگىلىكتى ءتىلشىسىن، «قازاقستان-كوكشەتاۋ» كومپانياسىنىڭ ديرەكتور ورىنباسارىن جانە ەكىنشى جەكە كولىكتە ءوزىنىڭ ارىپتەستەرىن كورەدى. باسپا ءسوز قىزمەتى حابارلاعانداي، كەلگەن باسشىلار ونى سوققىنىڭ استىنا العان. سونىمەن قاتار، باسپا ءسوز قىزمەتىنىڭ حابارلاماسىندا كورسەتىلگەندەي، وقيعانىن باس-قاسىندا بولعان جۋرناليستەر كولىكتەن شىعۋلارىنا سەسكەنىپتى. سەبەبىن باسشىلىقپەن ەرەگەسكەن جاعدايدا بولاشاقتارى قۇردىمعا كەتەتىنى بەلگىلى دەپ ءتۇسىندىردى. قىزمەت كولىگى ورىنان قوزعالعاندا، ارىپتەستەرىنىڭ ءبىرى جابىرلەنۋشىنى ورنىنان تۇرعىزىپ، پاتەرىنە دەيىن جەتۋگە كومەكتەسكەن.

جابىرلەنۋشىنىڭ ەكى جاستاعى جانە 4 ايلىق ۇلدارى بار.

«الماتى» تەلەارناسى

سوڭعى جاڭالىقتار