18:49, 24 - ماۋسىم 2014 | GMT +5
بريتاندىق جاس ءوسپىرىم ۇيالى تەلەفونمەن ارۋاقتى سۋرەتكە ءتۇسىرىپ الدى
استانا. قازاقپارات - "14 جاسار بريتاندىق تينەيدجەر ميتچ گلوۆەر فرانسيانىڭ سولتۇستىگىندەگى نيەۆيل-سەن-ۆااست قالاسىنداعى نەمىس اسكەريلەرىنىڭ قابىرستانىن مەكتەپ ەكسكۋرسياسىمەن ارالاپ جۇرگەندە بايقاۋسىزدا ارۋاقتى ۇيالى تەلەفونعا سۋرەتكە ءتۇسىرىپ العان" دەپ حابارلايدى Tengrinews.kz Mail Online باسىلىمىنا سىلتەمە جاساپ.

ەكسكۋرتسيا كەزىندە جاس ءوسپىرىم ءوزىنىڭ iPhone ۇيالى تەلەفونىمەن قابىرستان ءىشىن بىرنەشە رەت سۋرەتكە تۇسىرگەن. كەيىننەن، تۇسىرىلگەن سۋرەتتەردى قاراپ وتىرعاندا، سۋرەتتەردىڭ بىرىنەن شوتلان اسكەرىنىڭ فورماسىندا، قولىنا قارۋ ۇستاعان ادامعا ۇقساس اقشىل بەينەنى بايقاعان. قالعان سۋرەتتەردە ارۋاق بايقالمايدى.
سوڭىنان، بۇل جەردىڭ تاريحىمەن تانىسقاندا ميتچ بۇل قابىرستانعا ءبىرىنشى دۇنيەجۇزىلىك سوعىس بارىسىندا 1917 - جىلدىڭ 9 - ءساۋىر كۇنى ءولىم قۇشقان شوتلاندىق The Seaforth Highlanders پولكىنىڭ اسكەريلەرى دە جەرلەنگەنىن بىلگەن.
نيەۆيل-سەن-ۆااست فرانسياداعى نەمىس اسكەريلەرى جەرلەنگەن ەڭ ءىرى قابىرستان بولىپ تابىلادى. بۇل جەرگە 40 مىڭنان استام ساربازدار مەن وفيتسەرلەر جەرلەنگەن. ولاردىڭ باسىم كوپشىلىگى ارتۋا مەن ارراس ءۇشىن بولعان شايقاستا اجال قۇشقان.