08:58, 22 - ماۋسىم 2014 | GMT +5
باتىس قازاقستاندىق وقۋشى انتاليادا وتكەن بايقاۋدا ءبىرىنشى ورىن الدى
ورال. قازاقپارات - ورالدىق ون ءبىر جاسار وقۋشى ءادىل احمەتوۆ تۇركيانىڭ انتاليا قالاسىندا 9-19 - ماۋسىم ارالىعىندا وتكەن "Art olympia" بايقاۋىنان ءبىرىنشى جۇلدەمەن ورالدى.

بەلگىلى ايتىس اقىنى باۋىرجان حاليوللانىڭ حابارلاعانىنداي، ءادىل 4-8 - ماۋسىمدا الماتى قالاسىندا وتكەن حالىقارالىق "اق كوگەرشىن" بايقاۋىندا ءداستۇرلى ءان اتالىمىندا مۇحيتتىڭ ءانى "اينامكوز" بەن حالىق ءانى "اعايشانى" اۋەلەتە شىرقاپ، باس جۇلدە يەگەرى اتاندى.
ال، ءساۋىر ايىندا بۋرابايدا رەسپۋبليكالىق "تايجارىس" بايقاۋىنان دا باس جۇلدەنى جەڭىپ العان سوڭ تۇركياداعى اتالمىش دوداعا جولداما الىپ، جايىق بويىنان اتتانعان بولاتىن.
دومبىرانى كىشكەنتايىنان سەرىك ەتىپ، ونەر جولىنا تۇسكەن ءادىل احمەتوۆ اۋەلەتە ءان سالۋمەن بىرگە ايتىسقا دا قاتىسىپ كەلەدى. ءادىلدىڭ اكەسى ەرىك احمەتوۆ - وبلىس كولەمىنە تانىمال ونەرپاز.
اۆتور: ەلجان ەرالى