دەنيس تەن اۋىرۋعا شالدىققان التى جاستاعى نۇرساتتىڭ حال-جاعدايىن ءبىلدى

استانا. قازاقپارات - سوچيدەگى قىسقى وليمپيادا ويىندارىنىڭ قولا جۇلدەگەرى، قازاقستاندىق مانەرلەپ سىرعاناۋشى دەنيس تەن استاناداعى انا مەن بالا ۇلتتىق عىلىمي ورتالىعىندا ەم قابىلداپ جاتقان التى جاسار نۇرسات جاقىپباردىڭ حال- جاعدايىن بىلۋگە باردى.
None
None

اتاپ ايتقاندا، نۇرساتقا قولداۋ كورسەتۋ ءۇشىن دەنيس الماتىدان ارنايى ۇشىپ كەلدى.

 ول وسى ساپارى بارىسىندا بالاعا سىيلىقتار الا كەلىپ، ونىمەن اڭگىمە-دۇكەن قۇردى. نۇرسات كىشكەنتاي جاسىنا قاراماستان ەرتە ەسەيگەن بالا. قاتارلاستارىنىڭ اراسىندا العىرلىعىمەن، پاراساتتىلىعىمەن جانە تالانتىمەن تانىلعان ول د. تەنگە ءوزىنىڭ ديپلومدارىن كورسەتتى.

الداعى ۋاقىتتا نۇرساتقا اۋىر وتا جاسالادى. دارىگەرلەر ونىڭ ميىنان ىسىك تاپتى. ياعني ول لەيكوز دەرتىنىڭ سالدارىنان پايدا بولعان ىندەت. ونىڭ اناسى گۇلدەن تاجىدەنوۆا قازاقپارات تىلشىسىنە بەرگەن سۇحباتىندا بالا ەكى جاستا بولعاندا لەيكوز اۋرۋى  انىقتالعانىن ايتتى. كەيىن، وپەراتسيالار جاسالىپ، بالانىڭ جىلىك مايى اۋىستىرىلدى. دونور رەتىندە نۇرساتتىڭ اعاسى تالدانعان.  

وپەراتسيا ءساتتى ءوتىپ، جىلىك مايى بالانىڭ ساۋىعۋىنا وڭ اسەر ەتتى. الايدا، جارتى جىلدان كەيىن ونىڭ ميىندا ىسىك (نەيرولەيكوز) انىقتالدى. جەتكىنشەككە قاجەت وپەراسيالار قازاقستاندا جاقىندا عانا ەنگىزىلە باستادى. ۋاقىتتىڭ شەكتەۋلى بولۋىنا بايلانىستى، بالاعا كەرەك ەم-دومدى شەتەلدە جاساۋ قاجەتتىلىك ەتۋدە.

«وپەراسيادان كەيىن نۇرساتتىڭ باقىتتى بالالىق شاعىن وتكىزۋىنە مۇمكىندىك بولادى دەپ سەنەمىن. ونىڭ ساۋىعىپ كەتۋىنە بارىنشا تىلەكتەسپىن جانە الداعى ۋاقىتتا نۇرساتپەن بىرگە ۋاقىتىمدى قۋانا- قۋانا وتكىزەمىن»، - دەدى د. تەن.

نۇرساتتىڭ اناسى تاجىدەنوۆا گۇلدەن كەڭەس قىزىمەن بايلانىسۋ مالىمەتتەرىن ۇسىنامىز.

قازاقستاننىڭ حالىق بانكىندەگى ەسەپ-شوت: 196010002001190397

كارتا ءنومىرى: 4402573563801796

سوڭعى جاڭالىقتار