حالىقارالىق ساراپشىلار «بولاشاق» باعدارلاماسىن الەمنىڭ ۇزدىك باعدارلامالارىنىڭ ءبىرى دەپ تانىدى

وسىلايشا «بولاشاق» باعدارلاماسى ەل تاريحىنىڭ «التىن پاراعى» جانە «ءبىلىم بەرۋ جۇيەسىنىڭ قوزعاۋشى كۇشى» ەكەنىن تاعى دا دالەلدەپ وتىر.
بۇل تۋرالى بۇگىن ورتالىق كوممۋنيكاتسيالار قىزمەتىندە «حالىقارالىق باعدارلامالار ورتالىعى» ا ق پرەزيدەنتى عاني نىعىمەتوۆ ءمالىم ەتتى.
ونىڭ ايتۋىنشا، الەمدە تەك وسىعان ۇقساس تەك 11 ەلدە باعدارلاما بار جانە قازاقستاننىڭ قولدانىپ جۇرگەن مودەلى ەڭ ءتيىمدى ءارى پاراساتتى تۇردە ۇيىمداستىرىلعان دەپ تانىلدى. «قازاقستان بۇل باعدارلامادان وزگە ەلدەرگە قاراعاندا اناعۇرلىم ناتيجەلى جەتىستىكتەرگە قول جەتكىزىپ وتىر جانە ول حالىقارالىق ساراپشىلارمەن جوعارى باعالاندى»، - دەيدى ول.
سونىمەن قاتار، ورتالىق باسشىسىنىڭ سوزىنە قاراعاندا، قازىرگى تاڭدا ۇدەمەلى يندۋستريالىق- يننوۆاتسيالىق دامۋ باعدارلاماسىن جۇزەگە اسىرۋ اياسىندا باعدارلامانىڭ ەكىنشى بەسجىلدىعىنا ارناپ كادرلار دايارلاۋ جۇمىستارى جۇرگىزىلىپ جاتىر.
«بەيىندى مەملەكەتتىك ورگانداردىڭ، وندىرىستىك كاسىپورىندار مەن ۇيىمداردىڭ ينجەنەر- تەحنيكالىق قىزمەتكەرلەرى شەتەلدىك جەتەكشى مەكەمەلەردە بىلىكتىلىكتەرىن جەتىلدىرۋدىڭ بىرەگەي مۇمكىندىگىنە يە بولىپ وتىر. بۇگىنگى تاڭدا ا ق ش- تا، «ColoradoSchoolofMines» مەكەمەسىندە «كەن ءىسى» ماماندىعى بويىنشا بەس ادام تاعىلىمدامادان ءوتىپ جاتىر» ، - دەپ اتاپ كورسەتتى ع. نىعىمەتوۆ ءوز سوزىندە.
- يندۋستريا جانە جاڭا تەحنولوگيالار مينيسترلىگىنىڭ ءوتىنىمى نەگىزىندە 19 ادام «ماشينا جاساۋ» ماماندىعى بويىنشا تاعلىمدامادان ءوتتى. 10 ستيپەنديات گەرمانيادا بەرلين تەحنولوگيالىق ۋنيۆەرسيتەتىندە «ەنەرگەتيكا مەنەدجمەنتى» ماماندىعى بويىنشا تاعىلىمدامادان وتۋدە، الداعى ۋاقىتتا وسى وقۋ ورنىندا تاعى 4 ستيپەنديات وقۋعا كەلەدى» دەيدى ع. نىعىمەتوۆ.
سپيكەردىڭ ايتۋىنشا، بۇگىندە سونىمەن بىرگە ۇلتتىق كاسىپكەرلەر پالاتاسىمەن بىرلەسىپ تاعىلىمدامالار ۇيىمداستىرۋ - قازاقستاننىڭ كاسىپكەرلەر قاۋىمداستىعى اككرەديتاتسيالاعان ۇيىمدار مەن كاسىپورىنداردىڭ قىزمەتكەرلەرىنىڭ بىلىكتىلىكتەرىن جەتىلدىرۋ جۇمىستارى جۇرگىزىلىپ جاتىر. اتاپ ايتقاندا، HewlettPackard (НР) - «سامۇرىق قازىنا» ۇلتتىق ءال- اۋقات قورىنىڭ» ەنشىلەس كومپانيالارىنىڭ ماماندارى ءۇشىن اقپاراتتىق تەحنولوگيالار سالاسىندا، شۆەسيالىق لۋند ۋنيۆەرسيتەتى - «قۇرىلىس تەحنولوگيالارى: ەكولوگيالىق قۇرىلىس ماتەريالدارى جانە قىزمەتتەرى» باعدارلاماسى بويىنشا كۋرستار ۇيىمداستىرىلۋدا.