شىعىس قازاقستان كاسىپكەرلەرى شاۋەشەكتەگى بال جارمەڭكەسىنە قاتىسۋدا

مۇندا قازاقستاندىق دەلەگاتسيا 21-24 - ماۋسىم ارالىعىندا اۋقىمدى بال جارمەڭكەسىنە قاتىسادى، دەپ حابارلادى وبلىس اكىمىنىڭ اقپارات ورتالىعىنان.
80 ادامنان تۇراتىن دەلەگاتسيا - ۇلان، گلۋبوكوۆسكي اۋداندارى مەن وسكەمەن قالاسىنىڭ وندىرۋشىلەرى.
ش ق و تاۋارلارىنىڭ جارمەڭكە- كورمەسى شاۋەشەك قالاسى ماڭىنداعى جاڭا قالاشىقتا وتەدى. ول جەرگە 30 توننا بال، 500 كەلى فيرمالىق وسكەمەندىك كونديتەرلىك ونىمدەر جانە 200 كەلى ماكارون جەتكىزىلدى.
شىنجاڭ جەرىنە وسكەمەن قالاسىنىڭ 80 نەن استام مايلى كارتينالار - سۋرەتشىلەردىڭ جۇمىسى جىبەرىلدى.
ەسكە سالا كەتەيىك، اعىمداعى جىلعى 25-29 - ناۋرىزدا ش ق و مادەنيەت كۇندەرى اياسىندا شاۋەشەك قالاسىندا وتكەن جارمەڭكەدەن كەيىن وبلىستىڭ تاۋارلارى جوعارى باعاعا يە بولدى. جەرگىلىكتى تۇرعىنداردان بالعا، بۇعى مۇيىزىنە، وسكەمەندىك سۋرەتشىلەردىڭ كارتينالارىنا دەگەن سۇرانىس كوبەيدى.
قىتاي تاراپى مۇنداي اۋقىمدى بىرلەسكەن شارالارعا مۇددەلىلىك تانىتتى، ونى اي سايىن وتكىزۋدى ۇسىندى.
ودان ءارى ىنتىماقتاستىقتىڭ ۇيىمداستىرۋ ماسەلەلەرىن ش ق و تۋريزم جانە سىرتقى بايلانىس باسقارماسى قارايتىن بولادى.