يوردانيا كورولى نۇرسۇلتان نازاربايەۆقا تاق مۇراگەرىن تانىستىردى

مارتەبەلى مەيماندى ءارى ەسكى دوسىن نۇرسۇلتان نازاربايەۆ اقوردانىڭ ەسىگىنىڭ الدىنا شىعىپ ەرەكشە ىقىلاسپەن كۇتىپ الدى.
يوردانيا كورولى سول جەردە قازاقستان پرەزيدەنتىنە وزىمەن ەرە كەلگەن ۇلى، بولاشاق تاق مۇراگەرىن تانىستىرۋدى ۇمىتقان جوق. ال نۇرسۇلتان نازاربايەۆ پەن ەكىنشى ابداللا كەيىن كەلىسسوز جۇرگىزۋگە بەت الدى. الدىمەن جەكە كەزدەسىپ، قوس مەملەكەتتىڭ ساۋدا ەكونوميكالىق بايلانىسىن ءسوز ەتتى. الىس- بەرىستى الدە دە جانداندىرۋعا ۋاعادالاستى.
نۇرسۇلتان نازاربايەۆ، قازاقستان رەسپۋبليكاسىنىڭ پرەزيدەنتى:
- قازاقستان ورتالىق ازيادا جەتەكشى ءرول اتقارسا، تاياۋ شىعىستا يوردانيا سونداي ماڭىزعا يە. ءسىزدىڭ ەلگە قازىر وڭاي بولماي تۇر. سيريادان بوسقىندار اعىلىپ كەلىپ جاتىر. سولتۇستىك افريكاداعى جاعداي دا ءماز ەمەس. سوندىقتان ءجيى كەزدەسىپ كەڭەسىپ تۇرعانىمىز دۇرىس.
ابداللا II، يوردانيا كورولى:
- قازاقستاندى سەنىمدى ساياسي سەرىگىمىز دەپ سانايمىز. استاناعا كەلۋ مەن ءۇشىن ۇلكەن مارتەبە. ءسىزدىڭ وسى جىلدار ىشىندە كورسەتكەن قولداۋىڭىز بەن بەرگەن كەڭەستەرىڭىز مەن ءۇشىن وتە قىمبات. وسى ءساتتى پايدالانا وتىرىپ، سيريالىق بوسقىندارعا قاتىستى ماسەلەنى شەشەۋدە بەرگەن كومەگىڭىزگە العىسىمدى بىلدىرەمىن.
«KTK» تەلە ارناسى