ۋكراينا شىعىسىندا شايقاس ءجۇرىپ جاتىر

استانا. قازاقپارات - ۋكراينا ارمياسى دونەتسك وبلىسىنىڭ كراسنىي ليمان جانە يامپول قالاسى ماڭىندا رەسەيشىل سەپاراتيستەرمەن ۇرىستا جەتى ۋكراين ساربازى قازا تاپقانىن حابارلادى.
None
None

Reuters اگەنتتىگىنىڭ ۋكراينا ارمياسىنداعى دەرەككوزدەرىنە سىلتەمە جاساي وتىرىپ حابارلاۋىنشا، ۇرىسقا 4 مىڭعا تارتا سەپاراتيست قاتىسىپ جاتىر. ۋكراينا جاعىنان ۇرىسقا جاياۋ اسكەرمەن بىرگە جيىرما تانك پەن اۋىر ارتيللەريا قوسىلعان.

ۋكراينا قورعانىس مينيسترلىگىنىڭ وكىلى ۆلاديسلاۆ سەلەزنيەۆتىڭ Facebook-تەگى پاراقشاسىندا جازۋىنشا، سوڭعى تاۋلىكتەگى ۇرىستا سەپاراتيستەر قاتارىنان 300 گە تارتا ادام مەرت بولعان. ءبىراق مۇنى باسقا دەرەككوزدەرىنەن انىقتاۋ ازىرگە مۇمكىن بولماي تۇر. ءبىراق بۇعان دەيىن سەپاراتيستەر جەتەكشىسى يگور سترەلكوۆ «كوتەرىلىسشىلەردىڭ ادام سانى جاعىنان دا، اسكەري تەحنيكا جاعىنان دا اۋىر شىعىنعا ۇشىراپ جاتقانىن» مالىمدەگەن.

سەلەزنيەۆتىڭ سوزىنشە، اسكەر سەپاراتيستەردەن بەرەندى بارلاۋ- شولعىنشى كولىگى (بردم) ، بورتىندا ءىرى كاليبرلى پۋلەمەت پەن زەنيتتىك زىمىران كەشەنى، گراناتومەت پەن اتىس قارۋلارى ورناتىلعان «كاماز» جۇك كولىگىن تارتىپ العان. «بارلىق قارۋ- جاراق پەن تەحنيكا - رەسەيدە شىعارىلعان» دەپ جازادى سەلەزنيەۆ.

قاقتىعىستار 19 - ماۋسىم كۇنى، سەپاراتيستەر ۋكراينا پرەزيدەنتى پەتر پوروشەنكو ۇسىنعان بەيبىت جوسپار بويىنشا قارۋلارىن تاستاۋ تۋرالى تالاپتان باس تارتقان سوڭ باستالعان.

 20 - ماۋسىمدا ۋكراينا پرەزيدەنتى پەتر پوروشەنكو داعدارىستى رەتتەۋگە باعىتتالعان بەيبىت جوسپارىن جاريالاۋى ءتيىس. اقپارات قۇرالدارىندا جاريالانىپ كەتكەن كەيبىر بەيرەسمي دەرەكتەر بويىنشا، بەيبىت جوسپاردا رەسەيمەن شەكارادا 10 كيلومەترگە سوزىلاتىن بۋفەرلىك ايماق قۇرۋ ۇسىنىسى بار. جوسپاردا سەپاراتيستەر قارۋلارىن تاستاعان جاعدايدا ۇكىمەت اسكەرى وپەراسيانى ءبىرجاقتى تۇردە توقتاتىپ، ولارعا راقىمشىلىق جاريالاۋ تۋرالى ۇسىنىس تا بار.

«ازاتتىق»

سوڭعى جاڭالىقتار