مەملەكەتتىك ەمتيحاننان جوعارى بال جيناعان ەكى تۇلەككە كولىك مىنگىزىلدى

الاڭعا جينالعان قاۋىمدى الدىمەن وبلىس اكىمىنىڭ ورىنباسارى سارا نۇرقاتوۆا وقۋ جىلىنىڭ اياقتالۋىمەن قۇتتىقتادى.
ول ءوز سوزىندە اقتوبەنىڭ بيىلعى ۇ ب ت (ۇلتتىق ءبىرىڭعاي تەستىلەۋ) ناتيجەسى بويىنشا الماتى مەن استانادان كەيىن ءۇشىنشى ورىنعا يە بولعانىن تىلگە تيەك ەتىپ، وسىناۋ قۋانىشقا بولەگەن بارشا اقتوبەلىكتەردىڭ ەڭبەگىن ەرەكشە اتاپ ءوتتى. وبلىس بويىنشا ورتاشا بال 84 تى قۇرادى.
ودان كەيىن حالىقارالىق وليمپيادالاردىڭ جەڭىمپازدارىنا، «التىن بەلگىلەرىن» ءساتتى قورعاپ شىققان 159 تۇلەككە جانە ۇ ب ت- دان 123 بال جيناعان 4 بالاعا پلانشەتتەر سىيعا تارتىلدى.
ال ۇ ب ت- دان 124 بال جيناعان ەكى تۇلەك ەرەكشە سىيعا بولەندى. ولارعا، ياعني «سىمبات» جەكەمەنشىك مەكتەبىنىڭ تۇلەگى ايدانا مۇراتقا جانە دارىندى بالالارعا ارنالعان مەكتەپ- ينتەرناتتىڭ تۇلەگى جانار بولاتاۆاعا جەڭىل كولىكتىڭ كىلتتەرى تابىس ەتىلدى.