رەسەيگە جالعا بەرۋدەن شىعارىلاتىن نىسانداردىڭ ءتىزىمى بەكىتىلدى - ت. مۇسابايەۆ

 استانا. قازاقپارات - «زەنيت- م» ستارتتىق كەشەنىنىڭ نىساندارى 2015 - جىلى قازاقستاننىڭ مەنشىگىنە وتەدى.
None
None

 بۇگىن پارلامەنت ماجىلىسىندە «قازاقستان رەسپۋبليكاسىنىڭ عارىش سالاسىن قۇرۋ بارىسى» اتتى تاقىرىپتاعى ۇكىمەت ساعاتىندا قازاقستان رەسپۋبليكاسى ۇلتتىق عارىش اگەنتتىگىنىڭ ءتوراعاسى تالعات مۇسابايەۆ وسىلاي مالىمدەدى.

«بۇگىنگى تاڭدا «زەنيت- م» زىمىراندىق كەشەنىندەگى رەسەيگە جالعا بەرۋدەن شىعارىلاتىن نىسانداردىڭ ءتىزىمى بەكىتىلدى. سونىمەن قاتار، رەسەي فەدەراتسياسى تاراپىنان «بايتەرەك» كەشەنىن قازاقستاندىق ۇيىمعا بەرۋدىڭ نورماتيۆتىك- تەحنيكالىق جانە ۇيىمداستىرۋشىلىق قۇجاتتارى دا ازىرلەنگەن. «زەنيت- م» ستارتتىق كەشەنى نىساندارىن رەسەي فەدەراسياسىنا جالعا بەرۋ قۇرامىنان شىعارۋ جانە ونى قازاقستان تاراپىنا بەرۋ 2015 - جىلدىڭ قاڭتارىنا جوسپارلانىپ وتىر» ، - دەدى ت. مۇسابايەۆ.

 ونىڭ ايتۋىنا قاراعاندا، اعىمداعى جىلدىڭ جەلتوقسان ايىندا قازاقستاندىق ۇيىمنىڭ 49 قىزمەتكەرىن «زەنيت» كەشەنى جۇيەسى مەن اگرەگاتتارىنىڭ قۇرامى مەن ونى پايدالانۋ ەرەكشەلىكتەرىنە قاتىستى وقىتۋ جۇمىستارى اياقتالادى. بۇل اتالعان كەشەندى جالعا بەرۋدەن شىعارۋ بارىسىندا ءتيىستى جاعدايدا قابىلداپ الۋ مەن ونى ودان ءارى پايدالانۋ ءۇشىن اسا ماڭىزدى قادام بولىپ تابىلادى.

اۆتور: قانات مامەتقازى ۇلى

سوڭعى جاڭالىقتار