تارازدا جازاسىن وتەۋشىلەردىڭ تۋىستارى تۇرمەگە باسىپ كىرمەك بولدى

ايتۋلارىنشا، جالپى رەجيمدەگى 158/2 كولونياسىندا ءتىنتۋ جۇرگىزگەن اسكەريلەر ولاردى ۇرىپ-سوققان. جاراقات العانداردى كوزىمىزبەن كوردىك دەپ وتىر.
- ىشتە بالالاردىڭ ءبارىن ۇرىپ جاتىر دەدى.
بىرەۋلەر اۋرۋحاناعا بارىپ كەلدى. شىققان ماشينالاردىڭ ارتىنان بارىپ كەلدى، اياق قولى سىنعان.
دەگەنمەن جينالعانداردىڭ ىشكە كىرگىسى كەلگەن ارەكەتىنەن تۇك شىقپادى. پوليتسەيلەر ولاردى تۇرمەنىڭ ماڭىنان ءتۇرىپ شىقتى. جاقىندارىنىڭ جاي-كۇيىن بىلە الماي، بارلىعى اقىرى ساعاتتاپ كۇنگە قاقتالىپ تۇرىپ قالدى.
سۋىت حاباردى ەستىگەندەردىڭ اراسىندا ءتىپتى ەسىنەن تانىپ، دارىگەر كومەگىنە جۇگىنگەندەرى دە بار. ال تۇرمە اكىمشىلىگى بولسا ءتىنتۋ جۇمىستارىنىڭ ءالى دە جالعاساتىنىن ايتىپ، سىرتتاعى جۇرتتى جۇباتقان بولدى. بۇنى كولونياداعىلار ارانداتۋ ءۇشىن ادەيى ۇيىمداستىرعان دەيدى. ءبىراق، تۇرمە باسشىلىعىنىڭ ۋاجىنە ەشكىم سەنبەدى.
رۋسلان ءابدىحالىق
«KTK» تەلەارناسى