ەر جانىبەك باتىرعا ارنالعان پوشتا ماركالارى جارىققا شىعادى

ستانا.قازاقپارات -  ەر جانىبەك باتىردىڭ تۋعان جەرىن انىقتاۋ بويىنشا عىلىمي ەكسپەديتسيا قۇرىلادى.
None
None

بۇل تۋرالى كەشە ل. ن. گۋميليەۆ اتىنداعى ەۋرازيا ۇلتتىق ۋنيۆەرسيتەتىندە قازاقتىڭ ايگىلى باتىرى جانىبەك بەرداۋلەت ۇلىنىڭ 300 -جىلدىعىنا ارنالعان كونفەرەنتسيا كەزىندە عالىم ديحان قامزابەك ايتتى، دەپ حابارلايدى BAQ. KZ ءتىلشىسى.

 «ەر جانىبەك باتىردىڭ تۋعان جەرىن انىقتاۋ بويىنشا عىلىمي ەكسپەديتسيا قۇرىلادى. تۋعان جىلى بەلگىلى بولعانىمەن جەر اتاۋى تۋرالى ناقتى دەرەك جوق» ، - دەدى د. قامزابەك.

 عالىمدار ەر جانىبەكتىڭ تۋعان جەرى بويىنشا ءتۇرلى پىكىرلەر ايتۋدا. سونىڭ ىشىندە كوپشىلىگى سىر بويى دەسە، ەندى ءبىرى رەسەيدىڭ ور ماڭايى دەپ كەلتىرەدى. ال، باتىردىڭ قايتىس بولعان جەرى تۋرالى دەرەكتەر بىزگە تولىعىمەن جەتكەن. ەر جانىبەك باتىر 1714 -جىلى دۇنيەگە كەلىپ، 1792 -جىلى شىعىس قازاقستان وبلىسىنىڭ جارما اۋدانىنا قاراستى ورتابۇلاق جەرىندە قايتىس بولعان. باتىردىڭ ماڭگىلىك تۇراعى دا وسى جەردە ورنالاسقان.

سونىمەن بىرگە «قازپوشتا» اق الداعى تامىز ايىندا ەر جانىبەك باتىردىڭ 300 -جىلدىعىنا وراي ارنايى پوشتا ماركاسىن شىعارماق.

 فيلاتەليالىق بۇل ءونىم بىرنەشە مىڭ دانامەن شىعىپ، كونۆەرتتەرگە جاپسىراتىن ماركا رەتىندە پايدالانىلادى.

ايتا وتەيىك، ەر جانىبەك باتىر 1714 -جىلى دۇنيەگە كەلگەن. بالالىق شاعى سىر مەن ەسىل بويىندا، ارقادا وتكەن. ەر جانىبەك، قازاقتىڭ اتاقتى باھادۇرلەرى قابانباي، بوگەنباي، ناۋرىزباي، التىباي، ەسپەنبەت، شوڭكە، اقپانتاي، مالايسارى، جاناتاي، وتەگەن، رايىمبەك، بايان باتىر ءتارىزدى ابىلاي زامانىندا جوڭعارلارعا قارسى سوعىسىنداعى ايتۋلى تۇلعالاردىڭ قاتارىندا تاريحتا اتى اتالاتىنى ءمالىم.

ابىلاي حاننىڭ قۇرمەتىنە يە بولعان ەر جانىبەك قازاقتىڭ قاس باتىرلارىنىڭ قاتارىندا كوپتەگەن جورىقتارعا شىعىپ، قازاق جەرىنىڭ الاكول، زايسان، ىلە- شۋ وڭىرلەرىن جاۋدان قورعاۋدا سان مارتە جەڭىسكە جەتكەن ەرجۇرەك باتىر. ول 1760 ج. ءوز قاراماعىنداعى ءبىر بولىك قازاق جۇرتىن سىر بويىنان قالبا، ساۋىر وڭىرىنە، ەرتىس بويى، التاي، بوعدا تاۋلارىنداعى بايىرعى قونىسىنا ورنىقتىردى. ونان كەيىنگى عۇمىرىن ەل شەكاراسىنىڭ شىعىس قاقپاسىن سىرتقى كۇشتەردەن قورعاۋ، ەلدىكتى بەكەمدەۋ ىسىنە ارناعان تاريحي ۇلى تۇلعاعا اينالدى. «جورىقتان ولجا، بيلىكتەن جول الماعان» حاس باتىرىمىز، بار عۇمىرىن ەلدىڭ بىرلىگى مەن تۇتاستىعىن كوزدىڭ قاراشىعىنداي ساقتاۋعا ارناعان تۇلعا، قازاق اراسىندا «ەر جانىبەك» دەگەن قۇرمەتتى اتقا يە بولعان. باتىر 1792 -جىلى قازىرگى ش ق و- نىڭ جارما اۋدانىندا دۇنيەدەن ءوتتى.

سوڭعى جاڭالىقتار