عارىشتان تۇسىرىلگەن اقتوبەنىڭ سۋرەتى وبلىس اكىمىنە تابىستالدى

ەكىنشى ج ق ز جەر سەرىگىن ۇشىرۋ ءۇشىن رەسەيدىڭ ورىنبور قالاسىنا جۇمىس ساپارىمەن بارا جاتقان قازعارىش دەلەگاتسياسى اقتوبەدە از ۋاقىتقا ايالدادى.
ۇ ع ا مەن وبلىس اكىمىنىڭ كەزدەسۋىندە ءوڭىردى دامىتۋ ءۇشىن عارىشتىق تەحنولوگيانى پايدالانۋ ماسەلەلەرى تالقىلاندى. اتاپ ايتقاندا، ج ق ز عارىش جۇيەسىنىڭ ءونىمى تۋرالى ايتىلدى.
«KazEOSat-1» جەر سەرىگىنىڭ العاشقى عارىش ءتۇسىرىلىمى اقتوبەگە ارنالدى» ، - دەدى ت. مۇسابايەۆ اكىمگە 700 شاقىرىم بيىكتىكتەن عارىش اپپاراتى تۇسىرگەن قالا سۋرەتىن تابىس ەتە وتىرىپ.
قازىرگى ۋاقىتتا اقتوبە وبلىسىندا وڭىرگە عارىش تۇسىرىلىمدەرىن جەتكىزۋگە شارتتار جاساسۋ جانە ج ق ز ع س مۇمكىندىكتەرىن ءتۇسىندىرۋ بويىنشا «قازاقستان عارىش ساپارى» ۇ ك» ا ق- نىڭ ماماندار توبى جۇمىس ىستەۋدە.
ەسكە سالا كەتەيىك، «KazEOSat-1» جەر سەرىگى 2014 - جىلعى 30 - ساۋىردە فرانسيادا، گۆياناداعى كۋرۋ ايلاعىنان ۇشىرىلعان بولاتىن.
ال جەردى قاشىقتىقتان زوندتاۋدىڭ ەكىنشى «KazEOSat-2» قازاقستاندىق جەر سەرىگىنىڭ ورىنبور وبلىسىنداعى «ياسنىي» ىسكە قوسۋ بازاسىنان ۇشىرىلۋىنا نەبارى 10 ساعاتقا جۋىق ۋاقىت قالدى.
عارىش اپپاراتتارى كلاستەرىمەن «دنەپر» زىمىران- تاسىعىشىن ۇشىرۋ 20 - ماۋسىمدا استانا ۋاقىتى بويىنشا ساعات 01:11 گە بەلگىلەندى.