ن. نازاربايەۆ: قازاقستان وڭتۇستىك كورەيانىڭ ەۋرازيالىق باستاماسىنا قولداۋ بىلدىرەدى

استانا. قازاقپارات - قازاقستان وڭتۇستىك كورەيانىڭ ەۋرازيالىق باستاماسىنا قولداۋ بىلدىرەدى. بۇگىن ەلىمىزگە العاشقى مەملەكەتتىك ساپارمەن كەلگەن كورەيا رەسپۋبليكاسىنىڭ پرەزيدەنتى پاك كىن حەمەن اقوردادا كەڭەيتىلگەن قۇرامداعى كەلىسسوزدەردەن كەيىنگى بىرلەسكەن مالىمدەمەسىندە ەلباسى نۇرسۇلتان نازاربايەۆ وسىلاي دەدى.
None
None

«ءبىز وڭتۇستىك كورەيلىك تاراپتىڭ ەۋرازيالىق باستاماسىن قولدايمىز. ول ءبىزدىڭ ەۋرازيالىق ەكونوميكالىق وداق يدەيامىزبەن تولىعىمەن سايكەس كەلەدى. ءبىز كورەيا رەسپۋبليكاسىنىڭ سولتۇستىك كورەيانىڭ يادروسىز مارتەبەسى جانە بەيبىت نەگىزدە جارتى ارالدى بىرىكتىرۋ ماسەلەسىن شەشۋ يدەياسى مەن ۇسىنىسىن قولدايمىز. ءبىز سولتۇستىك كورەيلىك سەرىكتەستەردى يادرولىق ارسەنالدان ءور ەركىمەن باس تارتىپ، پوليگوندى جاپقان قازاقستان تاجىريبەسىن ەسكەرۋگە شاقىرامىز» ، - دەدى ن. نازاربايەۆ.

ەلباسى ءوز سوزىندە يادرولىق قارۋ ەلگە قاۋىپسىزدىگىنە قورعان بولا المايتىندىعىن، تەك بارشا الەمنىڭ سەنىمسىزدىگىن تۋىنداتاتىن باسا ايتتى.

«بيزنەسكە قارىم- قاتىناس پەن ەكونوميكانىڭ دامۋى ودان ەشنارسە ۇتپايدى. ايتەۋىر، سوڭىندا اقىل جەڭەتىندىگىنە سەنەمىن جانە ءبىز بۇل ماسەلەدە وڭتۇستىك كورەيا جاعىندامىز» ، - دەدى مەملەكەت باسشىسى.

قازاقستان مەن كورەيا پرەزيدەنتتەرى «جاسىل قالاشىق» قۇرۋ ۋاعدالاستىعىنا قول جەتكىزدى.

 «مۇناي ەنەرگەتيكاسى ءداۋىرىنىڭ ءتامامدالۋىنا دايىندالا وتىرىپ، بىزدەر ەنەرگيا تيىمدىلىگىن ارتتىرۋ، عىلىمي- زەرتتەۋ جانە تاجىريبەلىك- كونسترۋكتورلىق جۇمىستاردىڭ مەملەكەتتىك اقپاراتتىق جۇيەسىن جانە «جاسىل قالاشىق» قۇرۋ سىندى سالالارداعى جوبالاردى العا جىلجىتۋعا ۋاعدالاستىق» ، - دەدى پاك كىن حە.

سونىمەن قاتار كورەيا پرەزيدەنتى قازاقستان تاراپىنا تەمىر جولداردى جاڭعىرتۋ سالاسىنداعى ىنتىماقتاستىقتى جانداندىرۋعا ۇسىنىس جاساعاندىعىن اتاپ ءوتتى.

اۆتور: مارلان جيەمباي

سوڭعى جاڭالىقتار