رەسەيدە شەتەل سوزدەرىن قولداناتىندارعا ايىپپۇل سالۋدى كوزدەيتىن زاڭ جوباسىن ماقۇلدادى

استانا. قازاقپارات - رەسەي مەملەكەتتىك دۋماسىنىڭ مادەنيەت كوميتەتى سارسەنبى كۇنى شەتەل سوزدەرىن نەگىزسىز قولداناتىندارعا 2 مىڭنان 50 مىڭ رۋبلگە دەيىن ايىپپۇل سالۋدى كوزدەيتىن زاڭ جوباسىن ماقۇلدادى.

بۇل باستامانى وتكەن جىلى رلدپ فراكسياسىنىڭ ءبىر توپ دەپۋتاتتارى ەنگىزگەن.

كەيىننەن ونىڭ جاڭا رەداكسياسى ازىرلەندى. «مۇنداي باستامانى العاش كوتەرگەن ءبىز ەمەس. ەڭ ءبىرىنشى بولىپ مۇنى فرانسۋزدار قولعا العان، ويتكەنى ولار ۇلى فرانسۋز ءتىلىنىڭ جوعالىپ كەتۋىنە الاڭداۋشىلىق بىلدىرگەن ەدى.

مەن فرانسۋزداردى وتە قاتتى قۇرمەتتەيمىن، دەگەنمەن دە ءوز ەلىمە، ءوز تىلىمە دەگەن قۇرمەتىم ودان كەم ەمەس»، - دەيدى مادەنيەت كوميتەتى ءتوراعاسىنىڭ ورىنباسارى، رەجيسسەر ۆلاديمير بورتكو.

سونداي-اق ول «شەكتەۋ ەنگىزگەن كەزدە، ەڭ باستىسى، تىم اسىرا سىلتەپ جىبەرمەۋ» ەكەنىن اتاپ ءوتتى.

زاڭ جوباسى ءبىرىنشى وقىلىمدا 1 - شىلدەدە قارالادى دەپ كۇتىلۋدە.

اقپارات كوزى: bnews.kz