قازاقستان كورەي تۇبەگىن بولاشاقتا بىرىكتىرۋ يدەياسىنا قولداۋ بىلدىرەدى - ق ر پرەزيدەنتى

استانا. قازاقپارات - قازاقستان كورەيا رەسپۋبليكاسىنىڭ كورەي تۇبەگىن بولاشاقتا بىرىكتىرۋ يدەياسىنا قولداۋ بىلدىرەدى.
None
None

بۇل تۋرالى بۇگىن اقوردادا ەلىمىزگە العاشقى مەملەكەتتىك ساپارمەن كەلگەن كورەيا رەسپۋبليكاسىنىڭ پرەزيدەنتى پاك كىن حەمەن كەڭەيتىلگەن قۇرامداعى كەلىسسوزدەر بارىسىندا ەلباسى نۇرسۇلتان نازاربايەۆ ايتتى.

«بۇگىن شاعىن قۇرامداعى كەلىسسوزدەر بارىسىندا ءبىز سىزبەن ەكىجاقتى، وڭىرلىك ماڭىزداعى تاقىرىپتاردىڭ كەڭ اۋقىمىن تالقىلادىق. ءبىرقاتار حالىقارالىق ماسەلەلەردەگى بىزدەردىڭ ۇستانىمدارىمىزدىڭ ۇقساستىعىن بىلدىردىك جانە تىعىز سۇحباتتاستىقتى جالعاستىرۋعا ۋاعدالاستىق»، - دەدى ەلباسى.

ن. نازاربايەۆ كورەيا نەبارى ەكى بۋىن الماسقان ۋاقىتتىڭ ىشىندە ەكونوميكالىق تاڭعاجايىپ ارەكەتتەرگە بارىپ، كەدەي اگرارلىق ەلدەن الەمنىڭ ۇزدىك جيىرما دەرجاۆاسىنىڭ قاتارىنان ورىن العانىن اتاپ ءوتتى.

«ءبىزدىڭ ىنتىماقتاستىعىمىز بەلگىلى ءبىر جوعارى دەڭگەيگە كوتەرىلدى. ءبىزدىڭ ەنەرگەتيكا، اۆتوموبيل جاساۋ، ماشينا جاساۋ، قۇرىلىس، تاۋ كەن ونەركاسىبى، دەنساۋلىق ساقتاۋ، سونىمەن بىرگە ءبىلىم مەن عىلىم سالالارىنداعى ءوزارا ءىس-قيىلدارىمىز جوعارى دەڭگەيگە يە. تاۋار اينالىمى 1,5 ميلليارد ا ق ش دوللارىنا جەتتى. مەن ءسىزدىڭ وسى جولعى ساپارىڭىز ناتيجەسىندە بىزدەر مەن سىزدەردىڭ ەكونوميكا مەن ساياساتتاعى ىنتىماقتاستىعىمىزدى جاڭا دەڭگەيگە كوتەرەتىندىگىمىزگە سەنىمدىمىن»، - دەدى مەملەكەت باسشىسى.

سونىمەن قاتار ن. نازاربايەۆ كورەيا رەسپۋبليكاسىنىڭ سولتۇستىك كورەيانىڭ يادرولىق قارۋعا يە بولۋىنا قارسىلىعىنا جانە بولاشاققا كورەي تۇبەگىن بىرىكتىرۋ يدەياسىنا مىعىم قولداۋ بىلدىرەتىندىگىن باسا ايتتى.

اۆتور: مارلان جيەمباي

سوڭعى جاڭالىقتار