ساددام حۋيسەيننىڭ تۇرمەدە جاتىپ وقىعان كىتابى بەستسەللەرگە اينالدى
ال كىتاپتىڭ جالپى داناسى 11 ميلليوننان اسىپ تۇسكەن. بۇل كىتاپ تۇرمەدە جاتقان ساددام حۋسەيننىڭ ءومىرىنىڭ سوڭعى كۇندەرى الدانىشىنا اينالىپ، وعان كادىمگىدەي قۋات بەرگەن كورىنەدى.
ءتىپتى يراكتىڭ بۇرىنعى باسشىسى ونى بىرنەشە مارتە قايتالاپ وقىپ شىققان. ايد ءال-كارريدىڭ «قايعىرما!» دەپ اتالاتىن وسى ەڭبەگىن 2011 - جىلى «ۋمما» باسپاسى ورىس تىلىنە اۋدارعان بولاتىن. ءار ادامنىڭ ومىرىنە اسا قاجەتتى پايدالى كەڭەستەر جازىلعان ەڭبەك جارىققا شىعىسىمەن بىردەن جۇزدەگەن مىڭ ادامنىڭ ءسۇيىپ وقيتىن كىتابىنا اينالعان.
وندا اۆتور باقىتقا قالاي قول جەتكىزۋگە بولادى، ءومىرىڭدى قالاي وزگەرتە الاسىڭ، - دەگەن سانسىز ساۋالدارعا جاۋاپ بەرۋگە تىرىسقان ەكەن. كىتاپتى ارنايى الدىرتقان ساۋد ارابياسىنىڭ مۇراگەر حانزاداسى سالمان يبن-ءابدۋلازيز ونى ءۇش مارتە قايتارا وقىپ شىعىپتى.
جولىمبەت ماكىشيەۆ
«التى الاش»
