11:02, 19 - ماۋسىم 2014 | GMT +5
تۋريستەر ءۇشىن الەمدەگى ەڭ ارزان قالا انىقتالدى
استانا. قازاقپارات - 2014 - جىلى ۆەتنامداعى حانوي تۋريستەر ءۇشىن قارجىلىق جاعىنان ەڭ قولجەتىمدى قالا اتاندى، دەپ حابارلادى Lenta.ru.

مۇنداي تۇجىرىمدى ساياحاتشىلارعا ارنالعان TripAdvisor سايتىنىڭ قىزمەتكەرلەرى جاسادى. ولار كەلۋشىلەر اراسىندا ءتيىستى ساۋالناما جۇرگىزىپ، نەعۇرلىم ارزان قالالاردىڭ رەيتينگىن جاساعان.
قالالاردىڭ ءتىزىمى ءتورت جۇلدىزدى قوناق ۇيگە (ءبىر تۇنگە) ەكى ەرەسەك ادامنىڭ ورنالاسۋى، اۋەجايدان جانە كەرى باعىتقا تاكسي جالداۋ، مەيرامحاناداعى كەشكى اس باعاسىن، بەس جۇلدىزدى قوناق ۇيدەگى كوكتەيل قۇنىن (ماۋسىمنان تامىز ايىنا دەيىن) ەسەپكە الۋمەن جاسالدى.
سونىمەن، بۇل قىزمەتتەر كەشەنى ۆەتنامداعى حانوي قالاسىندا ارزانعا تۇسەدى ەكەن. وندا وسىنىڭ بارلىعى ءۇشىن 155,3 دوللار عانا قاجەت.
ايتا كەتەيىك، تۋريستەرگە ەۋروپاعا ۇشۋ جانە كەرى باعىتقا سول جولمەن قايتۋ ءۇشىن ورتا ەسەپپەن 1185 دوللار كولەمىندە قاراجات قاجەت.