09:31, 21 - ماۋسىم 2014 | GMT +5
كوستا- ريكا يتاليا قۇراماسىنان باسىم ءتۇسىپ، توپتان شىقتى
استانا. قازاقپارات - بۇگىن برازيليادا فۋتبولدان الەم چەمپيوناتىنىڭ كەزەكتى توپتىق كەزدەسۋلەر اياسىندا كوستا- ريكا مەن يتاليا قۇرامالارىنىڭ ويىنى ءوتتى.

بۇل ويىندا كوستا- ريكا فۋتبولشىلاردى مۋنديالدىڭ ەڭ باستى فاۆوريتتارىنىڭ ءبىرى يتاليالىقتاردىڭ مىسىن باسىپ، 1:0 ەسەبىمەن تىزە بۇكتىردى.
ويىننىڭ ءبىرىنشى تايىمىندا رۋيس گول اۆتورى اتانعان بولاتىن. مۋنديالداعى ەڭ جاس قۇرامالاردىڭ ءبىرى سانالاتىن وڭتۇستىك امەريكالىقتار مۇنىڭ الدىندا ۋرۋگۆايدى سان سوقتىرىپ كەتكەنى ەسىمىزدە. ەندى بۇل جەڭىستەن كەيىن كوستا- ريكا التى ۇپايمەن ءبىرىنشى ورىن الىپ، توپتىق كەزەڭنەن شىقتى. يتاليا مەن ۋرۋگۆاي ءۇش ۇپايمەن ەكىنشى ورىنداردا. ال انگليا قۇراماسى ءۇشىن بۇل چەمپيونات اياقتالدى. ولار 0 ۇپايمەن ۇيلەرىنە قايتاتىن بولدى.