دوسحان جولجاقسىنوۆ «اباي» كوركەم فيلمىن تۇسىرمەك

«1 - شىلدەدەن باستاپ قازاقستانعا بەلگىلى اكتەر، پروديۋسەر جانە رەجيسسەر دوسحان جولجاقسىنوۆ فيلمدى ءتۇسىرۋ جۇمىستارىن باستايدى»، - دەدى بۇگىن باسپا ءسوز ءماسليحاتىندا سەمەي قالاسىنىڭ مادەنيەت جانە تىلدەردى دامىتۋ ءبولىمىنىڭ باسشىسى بەرىك كوپبايەۆ.
ونىڭ ايتۋىنشا، قازىر وبلىستا كوپتەگەن بولىمشەلەر ءتۇسىرىلىم باستاۋعا دايىندىق جۇرگىزۋدە، فيلمنىڭ نەگىزگى وقيعاسى بەينەلەنەتىن الاڭ ازىرلەنۋدە.
«سەمەي قالاسىنىڭ اتىنان 20 كيىز ءۇي دايىنداۋىمىز كەرەك. ال فيلمگە 150 كيىز ءۇي قاجەت. وبلىستىق باسشىلىقپەن سەلەكتورلىق ماجىلىستەردە ءتۇسىرىلىم اۋماعىن سۋمەن، قاجەتتى تەحنيكامەن جابدىقتاۋدا قانداي كومەك كورسەتىلەتىنىن ايقىنداپ جاتىرمىز، سونىمەن بىرگە باسقا دا ماسەلەلەر شەشىلۋدە، - دەدى ب. كوپبايەۆ.
ەسكە سالا كەتەيىك، شىعىس قازاقستان وبلىسىنىڭ كۇرشىم اۋدانىنىڭ تۋماسى دوسحان جولجاقسىنوۆ اكتەر رەتىندە 20 دان استام كينوعا ءتۇستى، ەكى كارتينانىڭ پروديۋسەرى بولدى. 2009 - جىلى ەكرانعا ونىڭ «ءبىرجان سال» فيلمى شىقتى.