عالىمدار ءتىستى ەمدەۋدىڭ جاڭا تەحنولوگياسىن ويلاپ تاپتى

استانا. قازاقپارات - لوندوننىڭ كينگس-كوللەدج ۋنيۆەرسيتەتىنىڭ عالىمدارى ءتىستى ەمدەۋدىڭ جاڭا تەحنولوگياسىن ويلاپ تاپتى، دەپ حابارلايدى BBC News.
None
None

جاڭا ءادىس بويىنشا بۇلىنگەن ءتىستى وزدىگىنەن قالپىنا كەلتىرۋ جۇرگىزىلەدى.

ياعني، قۋاتتىلىعى از ەلەكتر توعىنىڭ ىقپالىمەن اۋرۋ تىسكە مينەرالدار جىبەرىلەدى.

ءادىس ەكى ساتىدان تۇرادى. الدىمەن «مينەرالدى كوكتەيل» دايىندالادى.

عالىمداردىڭ ەسەبىنشە، مينەرالمەن قۇنارلاندىرۋ ءتىستى قاتايتىپ، ءتىس جيەگى اۋرۋلارىنىڭ الدىن الادى. بۇل ءادىس ارقىلى ءتىستى اعارتۋ مەن ءتىس ەمالىن قالپىنا كەلتىرۋدى جۇزەگە اسىرۋعا بولادى.

قازىرگى ۋاقىتتا جاڭا تەحنولوگيانى سىناقتان وتكىزۋ ءۇشىن شوتلانديانىڭ پەرت قالاسىندا « Reminova» كومپانياسى قۇرىلدى.

العاشقى ناتيجەلەرگە ءۇش جىل كولەمىندە قول جەتكىزىلمەك.

جاڭا تەحنولوگيا يدەياسى اۆتورلارىنىڭ ءبىرى، پروفەسسور نايدجەل پيتس «قازىر بۇل ءادىستىڭ العاشقى ساتىسىندامىز. ءبىز ءۇشىن بۇل - ۇلكەن جاڭالىق»، دەيدى.

«قازاقستان»

سوڭعى جاڭالىقتار