قاراعاندى وبلىسىنىڭ جاڭا اكىمىنىڭ الدىنا ءوڭىردىڭ ەكونوميكالىق ءوسىمىن ۇلعايتۋ مىندەتى قويىلدى
«وبلىستىڭ جاڭا اكىمى مەن اكتيۆى الدىندا پرەزيدەنت ءبىرىنشى كەزەكتە ەكونوميكا ءوسىمىن قامتاماسىز ەتۋ جانە ازاماتتاردىڭ ءال- اۋقاتىن جاقسارتۋ مىندەتتەرىن قويدى» ، - دەدى وبلىس اكتيۆىنە ءوڭىردىڭ جاڭا باسشىسىن تانىستىرعان ن. نىعماتۋلين.
ول نۇرمۇحامبەت ابدىبەكوۆ بۇعان دەيىن جۇمىس ىستەگەن اقتوبە وبلىسى ەكونوميكالىق ەرەكشەلىگى مەن ونەركاسىپتىك الەۋەتى جاعىنان دا قاراعاندى وڭىرىنە ۇقساس ەكەنىن اتاپ ءوتتى.
«اقتوبە وبلىسى ۇدەمەلى يندۋستريالدىق- ەكونوميكالىق دامۋ جاعىنان ەلدە كوش باستاپ تۇر. ياعني ول ناقتى ءىستىڭ ادامى» ، - دەپ اتاپ ءوتتى ق ر پرەزيدەنتى اكىمشىلىگىنىڭ باسشىسى.
ول ن. ابدىبەكوۆتى تاجىريبەلى، تالاپ قويا بىلەتىن باسشى رەتىندە اتاپ ءوتتى. «ونەركاسىپتىڭ قىر- سىرىن مەڭگەرگەن» ، - دەپ قوستى ن. نىعماتۋلين. ونىڭ ايتۋىنشا، ابدىبەكوۆ ءۇ ي ي د مەملەكەتتىك باعدارلاماسىنىڭ العاشقى بەسجىلدىعى جوسپارىن ازىرلەۋ مەن جۇزەگە اسىرۋدا بەلسەندى جۇمىستار اتقارعان.
بۇدان بۇرىن حابارلانعانداي، قاراعاندى وبلىسىنىڭ اكىمى بولىپ 53 جاستاعى نۇرمۇحامبەت ابدىبەكوۆ تاعايىندالدى، ول وسى ۋاقىتقا دەيىن اقتوبە وبلىسى باسشىسىنىڭ ءبىرىنشى ورىنباسارى قىزمەتىن اتقارعان.
ول 2013 - جىلعى قاڭتاردان باستاپ قاراعاندى اكىمى لاۋازىمىن اتقارعان باۋىرجان ابدىشيەۆتىڭ ورنىنا كەلدى. ب. ابدىشيەۆ ءوز ەركىمەن جۇمىسىنان بوساتىلدى.
ن. ابدىبەكوۆ قوستاناي وبلىسىنىڭ ارقالىق قالاسىندا تۋعان. ماسكەۋ تاۋ- كەن ينستيتۋتىن تاۋ- كەن ينجەنەرى ماماندىعى بويىنشا ءتامامداعان، تەحنيكا عىلىمدارىنىڭ كانديداتى. اقتوبە، اتىراۋ وبلىستارى اكىمدىكتەرىنىڭ قۇرىلىمىندا قىزمەت اتقارعان.
«باتىس» ا و ك» ۇ ك» ا ق باسقارماسى ءتوراعاسىنىڭ ورىنباسارى، ق ر ي ج ت م ونەركاسىپ كوميتەتىنىڭ ءتوراعاسى، ق ر يندۋستريا جانە ساۋدا ۆيسە- ءمينيسترى، اقتوبە قالاسىنىڭ اكىمى بولىپ قىزمەت اتقارعان. 2012 -جىلعى اقپاننان باستاپ قازىرگى ۋاقىتقا دەيىن اقتوبە وبلىسى اكىمىنىڭ ءبىرىنشى ورىنباسارى بولىپ جۇمىس ىستەدى.
