جامبىل وبلىسىندا جۇرت جاپپاي الاياقتارعا الدانىپ قالدى
ەندى سان سوعىپ قالعاندار العان اقشالارىن قايتارىپ الا الماي قينالىپ ءجۇر.
ايمان كۇنبولسىنوۆا، جاڭاتاس قالاسىنىڭ تۇرعىنى:
- بۇل قانداي نەسيە دەپ ەدىم، قاراشا، جەلتوقسان، قاڭتار، اقپاندا تۇگەلدەي ءبارى جابىلادى. بۇل ەلۋدە-ەلۋ، العان نەسيەڭنىڭ جارتىسىن بىزگە بەرەسىڭ، جارتى پايىزى سەندەرگە، ول سەندەرگە جاقسى پايدا ەمەس پە؟ ونىڭ ۇستىنە ينفلياتسيا كەلە جاتىر قارىزدىڭ ءبارى جابىلىپ كەتەدى دەگەن.
وسىلايشا اقشانىڭ ءبىر تيىنىن قالدىرماي ءوزىمىز جاۋىپ بەرەمىز دەگەن قوس كەلىنشەك ۋادەسىندە تۇرماپتى. ەكەۋىنىڭ تارازداعى بەس بىردەي بانككە سوزدەرى وتەتىنى سونشا، قارىزىڭ بولسا دا وپ-وڭاي نەسيە الىپ بەرەدى ەكەن. ازىرگە وڭاي ولجاعا كەنەلەمىز دەپ، وپىق جەگەن 17 كىسىدەن قۇزىرلى ورىندارعا شاعىم تۇسكەن.
قازىر ەكەۋىنە قاتىستى قىلمىستىق ءىس قوزعالىپ، تەرگەۋ امالدارى ءجۇرىپ جاتىر. ال كىنالى سانالاتىن ايەلدىڭ ءبىرى ءوزىن اقتاپ، سەرىكتەسىن ايىپتاپ الەككە تۇسۋدە. ايتۋىنشا، ول دەلدالدىق قىزمەتىنە عانا ءار ادامنان بەس مىڭ تەڭگەدەن الىپتى.
اقمارال ءابدىراحمانوۆا، كۇدىكتى:
- نەگە مەن قويا تۇرامىن؟ ءار بانكتەگى مەنەدجەرلار جىبەرەدى، مىنا كىسىنى دە سول مەنەدجەر جىبەردى. بارلىق مەنەدجەرلەر 40 مىڭنان العان. بارلىعى ءبىر-بىرىمەن بايلانىستى. ولاردى سوتتاۋعا بولادى. ويتكەنى نەگە بىزگە كەلىسىمىن بەرەدى. مەن ونى بىلمەي، كەيىن ءبىلدىم.
KTK
