ءبىلىم ءمينيسترى قىزدار ۋنيۆەرسيتەتىندە بولدى - فوتو

وندا مينيستر قىزدار ۋنيۆەرسيتەتى اۋماعىندا بوي كوتەرىپ جاتقان 450 ورىندىق جاڭا جاتاقحانانى، 32 ورىندىق ءجۇزۋ باسسەينىن ارالاپ كورىپ، وقۋ ورنىنىڭ تىنىس- تىرشىلىگىمەن تانىستى.
سونداي- اق جۋىردا اشىلعان «قازاق ارۋى» سۋبۇرقاعى مەن قىزدار تاريحىنان سىر شەرتەتىن ەلىمىزدەگى بىرەگەي «اقتۇمار» مۇراجايىن تاماشالادى.
قىزدار ۋنيۆەرسيتەتىنىڭ ءبىرىنشى پرورەكتورى باحودير اليەۆ قوناقتارعا وقۋ ورىننىڭ تىنىس- تىرشىلىگىنەن حابار بەرەتىن كورمە زالىمەن، وتكەن جىلى اشىلعان ق ر تۇڭعىش پرەزيدەنتى سالتانات زالىمەن تانىستىردى.
«پەداگوگ مامانداردى دايارلايتىن كيەلى شاڭىراقتا قازىرگى تاڭدا 700 دەن استام پروفەسسورلىق- وقىتۋشىلىق قۇرام جۇمىس جاسايدى. كرەديتتىك تەحنولوگيا جۇيەسى نەگىزىندە 41 ماماندىق بويىنشا 9000 عا جۋىق ستۋدەنت ءبىلىم الۋدا. سونداي- اق 23 ماگيسترلىك جانە 4 دوكتورانتۋرا ماماندىقتارى بويىنشا كادرلار دايىندالادى. ۋنيۆەرسيتەتىمىزدىڭ جەتىستىكتەرى مەن ۇزدىك كورسەتكىشتەرى باعالانىپ، 2013 - جىلى «سالا كوشباسشىسى» ۇلتتىق سەرتيفيكاتىمەن ماراپاتتالدى» ، - دەدى ب. اليەۆ.
ءبىلىم شاڭىراعىندا 40 تان اسا ستۋدەنتتىك ۇيىم مەن كلۋب بار. ەلىمىزگە ايگىلى «ايگۇل» انسامبلى، «ۇلار» ۇلت اسپاپتار وركەسترى، «توميريس» بي توبى، 150 ادامنان تۇراتىن ۇلكەن حور، «ونەر - جاستان» وپەرا جانە «جان سارايى» دراما تەاترى، «تەك قانا قىزدار» كوڭىلدىلەر مەن تاپقىرلار كلۋبى جۇمىس جاسايدى.
سوڭعى ءبىر جىلدا 86 ستۋدەنت عىلىمي- زەرتتەۋ جۇمىستارى بويىنشا بيىكتەن كورىنسە، سپورت سالاسىندا مايا مانەزا، كارينا گوريچيەۆا، مۇحيتوۆا ايزادا، ءادىلنۇر ديدار جانە باسقا دا كوپتەگەن جەڭىمپاز قىزداردى بولە- جارا ايتۋعا بولادى.
بۇدان سوڭ ەلىمىزدىڭ باس پەداگوگى زامانۋي باعىتتا جۇمىس ىستەيتىن عىلىمي زەرتحانالارمەن جانە ۋنيۆەرسيتەت عالىمدارىنىڭ اشقان عىلىمي جاڭالىقتارىمەن تانىستى. وندا ءتۇرلى قۇرال- جابدىقتاردىڭ جۇمىسىن تاماشالاعان مينيستر يننوۆاتسيالىق تەحنولوگيالاردى پايدالانا وتىرىپ تۇڭعىش رەت الىنعان ەكولوگيالىق تازا سابىندارعا، «ەكسپو-2017» كورمەسىنە قويىلاتىن شاعىن گيدرو ەلەكترستانساسى جوبالارىنا جوعارى باعا بەردى.
جۇمىس ساپارىنىڭ سوڭىندا قىزدار ۋنيۆەرسيتەتى جۇمىسىنا ريزاشىلىعىن بىلدىرگەن ءبىلىم جانە عىلىم ءمينيسترى اسلان ءسارىنجىپوۆ باسشىلىققا سالىنىپ جاتقان قۇرىلىس نىساندارىن بەلگىلەنگەن مەرزىمدە اياقتاۋدى باقىلاۋعا الۋدى تابىستاپ، بىرنەشە تاپسىرمالار بەردى.