قىتاي قازاقتارى «زەردە» دەپ اتالاتىن سمارتفون شىعاردى

 استانا.قازاقپارات -  فەيسبۋك الەۋمەتتىك جەلىسىندە اقتامبەردى نازىم ۇلى ەسىمدى قولدانۋشى قىتاي ەلىندە تۇراتىن قازاقتاردىڭ "Zerde" دەپ اتالاتىن سمارتفون جاساپ شىعارعانىن جازدى.

"قىتاي قازاقتارى جاساعان "ZERDE" ماركالى ۇيالى تەلەفون (سمارتفون) نارىققا شىعىپتى.. . قۋانىشتىمىن، ىرزامىن.. ."، - دەپ جازادى قولدانۋشى.

 

سۋرەتتەردەن كورىپ وتىرعانىڭىزداي، سمارتفون ديسپلەيى قىتايدىڭ بەلگىلى Huawey كومپانياسىنىڭ ونىمىنە كەلىڭكىرەيدى. ءبىراق ۇيالى تەلەفون مازىرىندەگى ۇياشىقتاردىڭ بارلىعى دەرلىك توتە جازۋمەن قازاق تىلىندە جازىلعان.

  

سمارتفوننىڭ Wi-fi ينتەرنەت جەلىسىنە قوسىلادى جانە باسقا دا فۋنكتسيالارى بار. ءونىمنىڭ قازاقشا ناقىشتا جاسالعانىن "Play" باتىرماسىنىڭ ۇلتتىق ناقىشتاعى ويۋ- ورنەكتەرىنەن دە بايقاۋعا بولادى.

 دايىنداعان: ارداق قۇلتاي

massaget.kz