جۋرناليستەرگە الەۋمەتتىك جاعىنان مەملەكەتتىك مارتەبە قاجەت - س. ماتايەۆ

الماتى. قازاقپارات - جۋرناليستەر قاۋىمىنا الەۋمەتتىك جاعىنان مەملەكەتتىك مارتەبە قاجەت. بۇل تۋرالى بۇگىن الماتىدا جۋرناليستەر كۇنى قارساڭىندا وتكىزىلگەن فۋتبول ماتچى بارىسىندا قازاقستان جۋرناليستەر وداعىنىڭ ءتوراعاسى سەيىتقازى ماتايەۆ مالىمدەدى.
None
None

ونىڭ ايتۋىنشا، قازىر جۋرناليستەردە ونداي مارتەبە جوق.

«قازاقستاننىڭ جۋرناليستەرى دە ناعىز وتانسۇيگىش جاندار. ولار - ءوز ەلىنىڭ پاتريوتتارى. ءبىراق الەۋمەتتىك جاعىنان مارتەبەسى جوق. كەڭەس زامانىندا مىسالى، پاتەر العاندا، شيپاجايعا بارعاندا بەلگىلى ءبىر الەۋمەتتىك كومەكتەر، جەڭىلدىكتەر بولاتىن.

مەن قازىر دە سولارعا ۇقساس جەڭىلدىكتەردىڭ بولعانىن قالايمىن.

سوندىقتان جۋرناليستەر تۋرالى بولەك زاڭ كەرەك. ءبىز بۇل ماسەلەنى ءالى كوتەرەمىز. ال مەرەكە قارساڭىندا جۋرناليستەرگە تىلەيتىنىم - ەڭ ءبىرىنشى زور دەنساۋلىق.

جۋرناليستيكا - بۇل اۋىر دا كۇردەلى ماماندىق. جۋرناليست ساعاتقا قارامايدى. ول كۇندىز-ءتۇنى جۇمىستا. سوندىقتان دەنساۋلىقتارىڭىز مىقتى بولسىن! قىزمەتتە جاڭا بيىكتەردەن كورىنە بەرىڭىزدەر، وتباسىلارىڭىزعا بەرەكە-بىرلىك تىلەيمىن!» - دەدى س. ماتايەۆ.

ەستەرىڭىزگە سالا كەتەيىك، جۋرناليستەر قۇراما كومانداسى بۇگىنگى جولداستىق كەزدەسۋدە «بىلعارى دوپ» ءتۋرنيرىنىڭ ۇزدىك ويىنشىلارىنان قۇرالعان قۇراما كوماندانى 4:0 ەسەبىمەن تىزە بۇكتىرگەن ەدى. وسى كوماندا ساپىندا ويناعان الماتى قالاسىنىڭ اكىمى احمەتجان ەسىموۆ 3 گول سالىپ، حەت-تريك جاسادى.

قالا اكىمىمەن بىرگە جاسىل الاڭعا جاناربەك ءاشىمجان، امانگەلدى سەيىتحانوۆ، گەني تولەگەنوۆ سەكىلدى بەلگىلى جۋرناليستەر شىقتى.

ال قارسىلاستار كومانداسىندا «بىلعارى دوپ» تۋرنيرىنىڭ 2011-2012 - جىلعى ماۋسىمىنىڭ جەڭىمپازدارى 15 جاستاعى بالعىن فۋتبولشىلار ونەر كورسەتتى.

اۆتور: جاپپاربەرگەن ايبوتا

سوڭعى جاڭالىقتار