جاسىل الاڭنىڭ تورىندە قازا بولعان فۋتبولشىلار

ال، كەيبىرىنە قول جەتپەيتىن ارماندا ەدى.
دەسە دە، سەرگەي پەرحۋنگە بۇل كۇندەلىكتى شۇعىلداناتىن تىرلىگى ەدى.
تاڭنىڭ اتىسىمەن كۇننىڭ باتىسىنا دەيىن الادوپتىڭ سوڭىنا ەرىپ، ءوزىنىڭ ۇزدىك ەكەنىن تۋعان حالقى ۋكراينامەن قاتار، كۇللى الەمگە مويىنداتا ءبىلدى.
الايدا قامشىنىڭ سابىنداي كەلتە عۇمىردىڭ كىمگە قانشاسى تيەتىنى اللادان باسقا ەشكىمگە بەلگىسىز عوي! 2001 - جىلى 18 - تامىزدا سكا مەن انجي كوماندالارى جولداستىق ماتچىن وتكىزدى.
بۇل ويىندا ەلگەزەك جىگىت سەرگەي بار بولاتىن. ول قارسىلاستىڭ قاقپاعا كوزدەگەن دوبىن قورعاۋعا ساقاداي ساي تۇر ەدى. ويىن بارىسىندا باسىنان اۋىر جاراقات الدى. جەدەل جانساقتاۋ بولىمىنە جەتكىزىلگەن جاس قاقپاشى 28 - تامىز كۇنى ماڭگىلىك عۇمىرىن ءتامامدايدى. ءسويتىپ 30 - تامىز كۇنى ەل بوپ اعىل-تەگىل بوپ جىلاپ، ونى اقتىق ساپارعا شىعارىپ سالادى.
ول بار بولعانى 23 جاستا ەدى. جانازاسىنا جينالعان جۇرتتىڭ سانى 10 مىڭداي ادام بولاتىن. 24-كۇزىن بوكتەرۋگە تۋرا 7 كۇن قالعان ەدى.
2005 - جىلى سەرگەيدىڭ اكەسى «مەنىڭ ۇلىم - قاقپاشى» دەگەن كىتابىن جازىپ شىعارادى. سون سوڭ جارىق جۇلدىزعا ارناپ ەسكەرتكىش تۇرعىزىلدى.
سەرگەي ۆلاديميروۆيچ پەرحۋن فۋتبول تاريحىنداعى العان جاراتقانىنان قايتىس بولعان العاشقى فۋتبولشى رەتىندە ەل ەسىندە ماڭگىلىك ساقتالىپ قالدى.
2003 -جىل! الەم كوز تىككەن - فيفا! كىل مىقتىدان شىن مىقتى انىقتالىپ، وزا شاپقان كەز. بۇل تارتىستى باسەكەدە كامەرۋىندىقتاردىڭ دا قارقىنى وتە مىقتى بولاتىن. كونفەدەراتسيالار كۋبوگىنا قول سوزعان قۇراما جارتىلاي فينالدىق ويىندارىن 2003 - جىلدىڭ 26 - ماۋسىمىندا كولۋمبيا قۇراماسىنا قارسى وتكىزەدى.
دەيتۇرعانمەن، ويىننىڭ قايعىلى اياقتالاتىنىن ەشكىم دە بىلمەگەن ەدى. كامەرۋىندىق جارتىلاي قورعاۋشى مارك ۆيۆەن فوە اياق استىنان جۇرەگى ۇستاپ، الاڭ ۇستىنە شالقالاي قۇلاپ، تالىپ قالادى. اۋرۋحاناعا جەدەل جەتكىزىلگەنىمەن ءتىل تارتپاي ءولىپ كەتەدى. دەسە دە ول ءوزىنىڭ وعىلانداي وزىق ەكەنىن بارشا حالىققا مويىنداتىپ كەتتى.
ال، فينالدىق ويىنعا ارىپتەستەرى 1:0 ەسەبىمەن جەتىپ، فرانتسياعا 1 گول ەسە جىبەرىپ كىشى كۋبوكقا يە بولادى. قولدارىنا مارك ۆيۆەن فوە- نىڭ سۋرەتىن ۇستاپ جىلاپ تۇرىپ، ۇلكەن شەرۋ جاسايدى.
ادامنىڭ باسىنان نەشە ءتۇرلى وقيعا وتەدى. ءبارىن ەڭسەرىپ جەڭگەنىڭمەن كەيدە قيىن سىنعادا كەز بولادى ەكەنسىڭ. كوز الدىڭداعى ادام اجالدىڭ تىرناعىنا ىلىنگەنىندە دۇنيەدەن باج كەشكەندەي كۇيگە ەنەدى ەكەنسىڭ. مەنىڭ ايتپاعىم ەلدى ەسەڭگىرەتىپ تاستاعان پورتۋگاليا چەمپيوناتى ەدى. 2004 - جىلدىڭ قاڭتار ايىنىڭ 25 ىندە «بەنەفيكا» كومانداسى «ۆيتوريا» قۇراماسىمەن كەزدەسەدى. ويىننىڭ تارتىستى بولعانى سونشالىق قوس كوماندا دا تەك قانا جەڭىسكە ۇمتىلادى.
فۋتبول بولعان سوڭ ءتارتىپ بۇزىلماي تۇرمايدى. «بەنەفيكا» قۇراماسىنىڭ بەلدى ويىنشىلارىنىڭ ءبىرى ميكلوش فەحەر الاڭداعى ارىپتەستەرىمەن الماسىپ تارتىستى ماتچقا دەن قويادى. كەزەكتى ءتارتىپ بۇزىلىپ فەحەرگە تورەشى سارى قاعازدى كورسەتەدى. «قىزىل قاعاز بەرمەگەنىنە شۇكىر!» دەپ كەيىپ تانىتىپ، كۇلىمسىرەي بەرىپ العا ەكى ادىم اتتاعانىندا سىلق ەتىپ جەرگە قۇلايدى. دارىگەرلەر العاشقى كومەكتەرىن جاساپ، اجالدان قۇتقارىپ قالۋدىڭ قامىنا كىرىسىپ، جەدەل اۋرۋحاناعا جونەلتەدى. ميكلوش ەكى رەت ەسىن جيىپ، ءۇشىنشى ساتتە جول بويىندا كولىكتىڭ ماڭگىلىك ساپارىن توقتاتادى.
دارىگەرلەردىڭ دياگنوزى بويىنشا جۇرەك تالماسى بولسا كەرەك. 24 تەگى جالىندى جىگىت جاز ايىندا سۇيىكتى قىزىمەن شاڭىراق كوتەرۋگە ءسوز بايلاسسا كەرەك. اتتەڭ، ماقساتىنا جەتە المادى.
جەرگىلىكتى جۇرتتىڭ جىلى ىقىلاسىنا بولەنگەن شابىلداۋشىعا ارناپ ەسكەرتكىش تاقتا ورناتىپ، مۋزەي اشادى. ول جەردە فۋتبولشىنىڭ پايدالانعان زاتتارىمەن قاتار، فۋتبولدىق فورموسىدا ورىن تاپقان.
2007 - جىل. 26 - تامىز. يسپانيا چەمپيوناتى! جان-جاقتان كەلگەن فۋتبول سۇيەر قاۋىمنىڭ اراسىندا ينە شانشىر ورىن جوق. جاسىل الاڭنىڭ تورىندە «سيەۆيليا» جانە «گيماراەش» كلۋبتارى فينالدىق باسەكەگە جەتۋ ءۇشىن تارتىستى ماتچ وتكىزۋدە. جانكۇيەرلەردىڭ قولداۋ قوشەمەتى فۋتبولشىلاردى جىگەرلەندىرە تۇسەدى. كەنەت «سيەۆيليانىڭ» نامىسىن قورعاپ جۇرگەن 24 جاسار ۆەنگريالىق فۋتبولشى جەرگە سىلق ەتىپ تۇسەدى. بۇل ونىڭ بۇرىننان بەرى مازالاپ جۇرگەن جۇرەك تالماسى ەدى. دارىگەرلەر قانشا كۇش سالىپ، سيەۆيليا ورتالىق اۋرۋحاناسىندا اجالدان قۇتقارماق بوپ نيەتتەنسەدە اللانىڭ بەرگەن سىناعىنا قارسى تۇرا المايدى. جۇرەك تالماسى ۇزدىكسىز قايتالانىپ 28 - تامىز كۇنى كوز جۇمادى.
30 - تامىزدا «ۆيرحەن دەل روكيو» ستاديونىندا جينالعان 300 جانكۇيەرىمەن بىرگە ونەر كورسەتكەن كلۋبىنىڭ جالاۋىن كوتەرىپ، ءار ءتۇرلى جارىق شامدارىن جاعىپ فۋتبولشىنىڭ اقتىق ساپارعا شىعارىپ سالادى.
بۇل جاسىنداي جارقىلداعان الادوپشىنىڭ ەسىمى - انتونيو پۋەرا! ونىڭ ارتىندا قۇلاي سۇيگەن جارىمەن، ءالى دۇنيەنىڭ ەسىگىن اشپاعان بالاسى قالدى. فۋتبولشىعا ارناپ ەسكەرتكىش تۇرعىزىلعان.
2007 - جىلى جاڭا جىلعا تۋرا ەكى كۇن قالعاندا شوتلانديا ەلىنىڭ باسىنا قارا بۇل ءۇيىرىلدى. 29 - جەلتوقساندا «داندي يۋنايتەد» جانە «موتەرۋەللا» كوماندالارىنىڭ اراسىنداعى بەلدى كەزدەسۋدە كۇتپەگەن جاعداي ورىن الدى.
جارتىلاي قورعاۋشى فيل و دوننەل قارسىلاستىڭ قاقپاسىنا سۇڭگىتكەن گولىنا قۋانعان ساتىندە جۇرەگى سوعىپ، ەسىنەن تانادى. اق حالاتتىلار فۋتبولشىنىڭ ءومىرىن ساقتاپ قالا المايدى. وردا بۇزار جاستىڭ جەلكەسىنە شىققان دوننەلل اۋرۋحانادا كوز جۇمادى. تاعى دا جۇرەكتەن كەتكەن فۋتبولشى. كومانداسىن العا سۇيرەپ، العىر كاپيتان بولا بىلگەن فيلدى كومانداستارى، ارىپتەستەرى، تۋىستارى قيماي-قيماي قوشتاسىپ قارا جەرگە تابىستايدى.
بۇل جىگىتەر جايدان-جاي قاراپايىم ادامدار سەكىلدى ولگەن جوق. فۋتبولعا دەگەن ىستىق ماحابباتتارىنىڭ قۇربانى بولدى. بالا كەزدەن اۋەس بولعان دوپتى اسپانعا اۋەلەتىپ، وزدەرىن ءتورت كىل دۇنيەگە تانىتا ءبىلدى. تۇنگى اسپاندا جارقىراعان سان مىڭداعان جۇلدىزداردىڭ اراسىندا ولاردىڭ شوعىرى بيىك بوپ تۇرا بەرمەك. جاس الاڭنىڭ تورىندە جانى قيىلعان فۋتبولشىعا باسقا قانداي ارمان كەرەك؟!
blogtime