س. احمەتوۆ ەلباسىنا قورعانىس ونەركاسىبىن دامىتۋ شارالارى جونىندە باياندادى

قازاقستان پرەزيدەنتى مينيسترلىكتىڭ باسىمدىعى بار مىندەتتەرى قورعانىس جۇيەسىن دامىتۋ، قارۋلى كۇشتەردى قاجەتتى جاۋىنگەرلىك ارسەنالمەن قامتاماسىز ەتۋ، اسكەردىڭ جاۋىنگەرلىك دايىندىعىن تەكسەرۋ جانە اسكەري دوكترينا ماسەلەلەرىن شەشۋ ەكەندىگىن اتاپ ءوتتى.
س. احمەتوۆ مەملەكەت باسشىسىنا مينيسترلىكتىڭ قازىرگى قىزمەتى مەن قارۋلى كۇشتەردى جوعارى جاۋىنگەرلىك دايىندىقتا ۇستاۋ جۇمىستارىن جالعاستىرۋ جونىندە باياندادى. سونداي- اق ول ارميانى ءارى قاراي كاسىبيلەندىرۋ، زاماناۋي قارۋ- جاراقپەن جابدىقتاۋ، قورعانىس ونەركاسىبىن دامىتۋ شارالارى تۋرالى دا ايتتى.
سونىمەن قاتار س. احمەتوۆ پرەزيدەنتتى تاياۋدا ماسكەۋدە وتكەن ۇ ق ش ۇ ەلدەرى قورعانىس مينيسترلەرى كەڭەسىنىڭ وتىرىسىنا قاتىسۋ قورىتىندىلارى جونىنەن حاباردار ەتتى.
ەلباسى قورعانىس سالاسىنىڭ باسشىسىنا كەزدەسۋ قورىتىندىسى بويىنشا ءبىرقاتار ناقتى تاپسىرمالار بەردى.