حالىقارالىق تۋريستىك كورمەدە «ەڭ ۇزدىك تۇساۋكەسەر جانە ستەند» اتالىمىندا قازاقستان باس جۇلدەنى جەڭىپ الدى

استانا. قازاقپارات - قازاقستان شياڭگاڭدا وتكەن 28 - حالىقارالىق تۋريستىك كورمەدە «ەڭ ۇزدىك تۇساۋكەسەر جانە ستەند» اتالىمى بويىنشا باس جۇلدەنى جەڭىپ الدى.
None
None

كۇمبىرلەگەن دومبىرا مەن قوبىزدىڭ قوڭىر ءۇنى، قولونەر شەبەرلەرىنىڭ ۇلتتىق ناقىشتاعى جۇمىستارى، قازى-قارتا، باۋىرساق، قىمىز قوناقتاردىڭ قازاق جەرىنە دەگەن قىزىعۋشىلىعىن ارتتىرا ءتۇستى.

«قازاقستانعا قوش كەلدىڭىز! كورسەتەرىمىز مول، ءبىزدىڭ ماقتانىشىمىز -  اسەم تابيعات، اسقار تاۋ، جازيرالى دالا، وزەن، كول، نۋلى ورمان، قولايلى ينۆەستيتسيالىق كليمات ءسىزدىڭ تاڭدانىسىڭىزدى تۋعىزارى حاق».

وسىنداي ۇرانمەن قازاقستاندىقتار كورمەگە كەلۋشىلەردى قارسى الىپ، تۋريستەردى تۋعان جەرىمەن تانىستىردى.

دەۆيد مەن، شياڭگاڭ تۇرعىنى:

- ءبىز ساياحاتتاعاندى ۇناتامىز. سوندىقتان وسى كورمەگە جىلدا قاتىسامىن. بۇگىن سىيقىرلى اۋەن، قازاقستاننىڭ تۋريستىك ورىندارى تۋرالى فيلم مەنىڭ نازارىمدى اۋداردى. مادەنيەتى، مۋزىكاسى بىزدىكىنە ۇسقاس سەكىلدى كورىنگەنىمەن، مۇلدەم باسقا ەكەن.

سوندىقتان قازاقستانعا بارىپ، وسى قۇندىلىقتاردى ءوز كوزىممەن كورسەم دەگەن وي تۋدى. يۋليا تكاچەنكو، ق ر ي ج ت م تۋريزم يندۋسترياسى كوميتەتى باسقارماسىنىڭ جەتەكشىسى:

- قازاقستاننىڭ شياڭگاڭ قالاسىندا ءوتىپ جاتقان كورمەگە قاتىسۋىنىڭ وزىندىك سىرى بار. رەسمي ستاتيستيكاعا سايكەس، قىتاي حالقى وزگە ەلگە ساياحات جاساۋ بويىنشا كوش باسىندا كەلەدى. ءبىز كورمە ارقىلى ءوز ەلىمىزگە جارناما جاسايمىز. بيىل ەلىمىز ءۇشىنشى جىل قاتارىنان شياڭگاڭدا ءوتىپ جاتقان حالىقارالىق تۋريستىك كورمەگە قاتىسۋدا.

ءاربىر ءوڭىر ءوز جەرىندەگى تۋريستىك ورىندار جايىندا جان-جاقتى ماعلۇمات بەردى. الماتى وبلىستىق تۋريزم باسقارماسىنىڭ مامانى يمران لەپەسوۆ حالىقارالىق كورمەنىڭ ارقاسىندا ەلىمىزگە كەلۋشى تۋريستەر قاتارىنىڭ ارتقاندىعىن ايتادى.

يمران لەپەسوۆ، الماتى وبلىسى تۋريزم باسقارماسىنىڭ باسشىسى:

- مىسالى، 2012-2013 - جىلداردىڭ ستاتيستيكاسىنا قاراساق، قازاقستانعا شەتەلدىك تۋريستەردىڭ كەلۋى 15 ەسەگە دەيىن وسكەن. ماماندارىمىز باسقا ەلدىڭ جارنامالىق الەۋمەتتەرىن كورىپ جاتىر. الماتى وبلىسىندا كورسەتەتىن جەرلەر كوپ.

شارىن شاتقالى، ىلە، جوڭعار الاتاۋى تابيعي-مادەني تۋريستىك الەۋەتكە باي. قازاقستان 40 تان استام ەل قاتىسقان حالىقارالىق تۋريستىك كورمەدە «ەڭ ۇزدىك تۇساۋكەسەر جانە ستەند» اتالىمى بويىنشا باس جۇلدەنى جەڭىپ الدى.

سونداي-اق، ەلىمىزدىڭ اسەم تابيعاتى قوناقتاردىڭ قازاق جەرىنە دەگەن قىزىعۋشىلىعىن ارتتىرا ءتۇستى. قازاقستان تۋريزمنىڭ ىشكى جالپى ونىمدەگى ۇلەسىن 2020 - جىلعا دەيىن 3 پايىزعا جەتكىزۋ جوسپارلانىپ وتىر. بۇگىنگى كورسەتكىش 1 پايىزدى قۇرايدى.

اۆتورلار: گۇلمايرا قۋاتباي قىزى، اليا اقمولدينا، رينات سادىر

24.kz

سوڭعى جاڭالىقتار