16:36, 17 - ماۋسىم 2014 | GMT +5
قازاقستاننىڭ باتىل قادامدارى سولتۇستىك كورەياعا ۇلگى - وڭتۇستىك كورەيا پرەزيدەنتى
استانا. قازاقپارات - وڭتۇستىك كورەيا رەسپۋبليكاسىنىڭ پرەزيدەنتى پاك كىن حە يادرولىق قارۋدان ءوز ەركىمەن باس تارتقان قازاقستاندى بۇگىندە ەكونوميكالىق تۇرعىدان قارقىندى دامىپ كەلە جاتقان بىردەن-ءبىر ەل دەپ اتاپ ءوتتى.

ايتا كەتەيىك، پرەزيدەنت پاك كىن حە ەلىمىزگە جاساعالى وتىرعان رەسمي ساپارى بارىسىندا «حابار» اگەنتتىگىنە ارنايى سۇحبات بەرگەن بولاتىن.
ونىڭ ايتۋىنشا، يادرولىق قارۋدان باس تارتقان ەلىمىزدىڭ بۇگىندە ورتالىق ازيادا شوقتىعى بيىك. ول بۇل تۇرعىدا سولتۇستىك كورەيانىڭ قازاقستاننان ۇيرەنەرى كوپ دەپ اتاپ ءوتتى.
پاك كىن حە، كورەيا رەسپۋبليكاسىنىڭ پرەزيدەنتى:
- بىزدە ازىرگە ءتۇرلى كيكىلجىڭدەر بەلەڭ الۋدا. ءتىپتى، يادرولىق قارۋ توڭىرەگىندە كەلەڭسىز جايتتار ءجيى ايتىلىپ كەلەدى. ءبىز مىندەتتى تۇردە بۇل ولقىلىقتىڭ الدىن الۋعا ءتيىسپىز. قازىر سولتۇستىك كورەيا حالقى تارشىلىق تاۋقىمەتىن تارتۋدا. سوندىقتان بىزگە بارىنشا تەزىرەك بىرىگۋ قاجەت.
24.kz