ەرلان ىدىرىسوۆ وبامانىڭ كومەكشىسىمەن ۋكرايناداعى جاعدايدى تالقىلادى
بۇل تۋرالى ق ر س ءى م باسپا ءسوز قىزمەتىنەن حابارلاندى.
كەزدەسۋ بارىسىندا ساياسي جانە ساۋدا- ەكونوميكالىق سالالارداعى ق ر مەن ا ق ش اراسىنداعى ىنتىماقتاستىقتىڭ قازىرگى جاعدايى مەن بولاشاعى تالقىلاندى.
تاراپتار وڭىردەگى ەلدەردىڭ قاۋىپسىزدىگى مەن جالپى تاراتپاۋدىڭ جاھاندىق جۇيەسىن بارىنشا نىعايتاتىن، بيىلعى جىلى 6 - مامىردا نيۋ- يوركتە قول قويىلعان «يادرولىق بەستىك» ەلدەرىنىڭ ورتالىق ازياداعى يادرولىق قارۋدان ازات اۋماققا مۇشە ەلدەرگە كەرى كەپىلى تۋرالى حاتتامانىڭ تەزىرەك كۇشىنە ەنۋ ماڭىزىن اتاپ ءوتتى.
سۇحباتتاسۋشىلار، سونداي- اق ستراتەگيالىق ارىپتەستىك جونىندەگى كوميسسيا مەن ەنەرگەتيكا سالاسىنداعى ارىپتەستىك جونىندەگى بىرلەسكەن كوميسسيا سياقتى قازاقستاندىق- امەريكالىق ىنتىماقتاستىقتىڭ دامۋ قۇرىلىمدارىنىڭ تابىستى جۇمىستارىن اتاپ ءوتتى.
ساۋدا- ەكونوميكالىق جانە ينۆەستيتسيالىق ىنتىماقتاستىق ەكى ەل اراسىنداعى ستراتەگيالىق ارىپتەستىكتىڭ ماڭىزدى ەلەمەنتى بولىپ تابىلادى.
ب. وبامانىڭ كومەكشىسى بۋرابايداعى ق ر پرەزيدەنتى جانىنداعى شەتەل ينۆەستورلارى كەڭەسىنىڭ 27- تولىق وتىرىسىندا ق ر پرەزيدەنتى ن. نازاربايەۆ جاريالاعان ينۆەستيتسيالىق احۋالدى جاقسارتۋ بويىنشا شارالار پاكەتى تۋرالى اقپاراتتى قىزىعۋشىلىقپەن قابىلدادى. س. ۋوللاندەر ب. وباما اكىمشىلىگى ا ق ش- تىڭ ىسكەر توپتارىن ينۆەستيتسيالىق تۇرعىدان دا، ەكسپو-2017 سياقتى جوبالارعا قاتىسۋ ءۇشىن دە قازاقستانمەن ىنتىماقتاستىققا تارتۋ بويىنشا ولارمەن تىعىز جۇمىس جاسايتىنىن راستادى.
سۇحباتتاسۋشىلار اراسىندا حالىقارالىق ساياسات پەن وڭىرلىك قاۋىپسىزدىكتىڭ، ونىڭ ىشىندە ۋكرايناداعى جاعداي، ەلدەن حالىقارالىق كواليتسيا اسكەرلەرىن شىعارۋ بويىنشا اۋعانستان تۇراقتىلىعى سياقتى وزەكتى ماسەلەلەرى بويىنشا پىكىر الماسۋ ءوتتى. ا ق ش اكىمشىلىگى اتىنان س. ۋوللاندەر قازاقستان مەن ونىڭ كوشباسشىسىنا شيەلەنىسكەن وڭىرلىك جانە جاھاندىق ماسەلەلەردى شەشۋدەگى وڭ ءرولى ءۇشىن العىسىن ءبىلدىردى.
تاراپتار قازاقستاندىق- امەريكالىق ارىپتەستىكتىڭ بارلىق باعىتتارىن نىعايتۋ جانە كەڭەيتۋ جۇمىستارىن ودان ءارى جالعاستىرا بەرۋگە كەلىستى.
